Ndarja e përgjegjësive për punët e shtëpisë mund të ndikojë edhe në kënaqësinë në çift...
SOCIALE
"Para bashkëpunimit me të ndihesha e humbur"/ Selena Gomez tregon se si e frymëzoi i fejuari i saj, Benny Blanco për krijimin e një albumi të ri
m.lPërditësimi i fundit 18 Mars 2025, 12:53
SHBA- Selena Gomez pranoi se përpara se të bashkëpunonte me të fejuarin e saj, Benny Blanco , ndihej e humbur nga ana muzikore dhe nuk ishte në gjendje të gjente drejtimin që donte të ndiqte. Megjithatë, mbështetja dhe drejtimi i tij e çuan atë në krijimin e albumit të saj të ri, 'I said I love you first', e cili është puna e saj e parë e plotë muzikore që nga viti 2020.
Në një intervistë të përbashkët për 'Rolling Stone', këngëtarja 32-vjeçare dhe producenti 37-vjeçar kanë folur për bashkëpunimin e tyre muzikor, si dhe se si lidhja e tyre ndikoi në krijimin e albumit.
" Isha shumë e frustruar dhe konfuze se ku doja të shkoja muzikalisht. Nuk mund ta gjeja zërin tim. Natyrisht që e ndihmon që ai di pak muzikën”, shpjegoi Gomez, duke shtuar se prania e Blanco në jetën e saj e ndihmoi atë të gjente përsëri frymëzimin e saj.
Benny Blanco tregoi se albumi është krijuar në një ambient shumë personal dhe të mbyllur, pasi ata kanë bashkëpunuar ekskluzivisht me miqtë e tyre. Në fakt, ai përmendi se për ta ndihmuar Gomezin të kompozonte, ai mbante gjithmonë një stilolaps pranë saj kur ajo zgjohej, në mënyrë që ajo të mund të shënonte mendimet dhe ndjenjat, të cilat më pas do t'i kthenin së bashku në këngë.
"Ishte një proces çlirues dhe terapeutik," tha ai.
Albumi i ri përfshin këngë si ,Sunset Blvd', 'Scared of Loving You' dhe 'Call Me When You Break Up'. Lidhur me titullin e albumit, Selena Gomez shpjegoi se është një referencë krejtësisht e vërtetë për marrëdhënien e saj me Benny Blanco .
"Është thjesht një fakt. Kap atë që ka ndodhur realisht mes nesh. Një këngë mund të thotë dy gjëra të ndryshme për ne”, tha ajo, duke shpjeguar se çdo këngë ka kuptim personal si për të ashtu edhe për të fejuarin e saj.
