Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
SOCIALE
Tensione e ngacmime gjatë divorcit të ashpër mes tyre/ Cardi B akuzon ish bashkëshortin Ofsset se i ka dërguar mesazhe duke e kërcënuar për jetën
m.lPërditësimi i fundit 31 Mars 2025, 14:22
SHBA- Cardi B ka deklaruar se është gati të zbulojë sekretet që kanë të bëjnë me ish-bashkëshortin e saj, Offset dhe të tjerë, duke pretenduar se ai ka rekrutuar blogerë për ta sulmuar atë në internet. 32-vjeçarja bëri kërkesën për divorc verën e kaluar nga reperi me të cilin ka tre fëmijë. Ish-çifti ka theksuar se janë larguar nga njëri-tjetri, duke mohuar zërat për tradhti.
Megjithatë, muajt e fundit konfrontimi i tyre është përshkallëzuar, ku Cardi B ka deklaruar ndër të tjera se “Do të doja që ai të goditej nga një kamion”.
Ndërsa Offset e ka akuzuar atë për marrëdhënie seksuale dhe tradhëti me një burrë tjetër gjatë kohës që ishte shtatzënë. Tensioni mes tyre duket se po arrin kulmin me afrimin e divorcit.
Ditët e fundit reperja ka folur në X dhe siç dëgjohet në audio ka sulmuar hapur Offset duke e akuzuar se ka bashkëpunuar me blogje për të përhapur thashetheme kundër saj.
"Djalli është brenda meje dhe duhet ta nxjerr jashtë," tha ajo në mënyrë karakteristike, duke përmendur se ka marrë shumë ngacmime nga trollët dhe mesazhe të dyshimta për njerëzit e rrethit të saj të ngushtë.
Cardi B pohon gjithashtu se Offset ka shumë shoqe blogere që bëjnë postime për të, ndërsa ajo vetë shprehet se nuk do ta bënte kurrë një veprim të tillë. Sidoqoftë, ajo nuk ka paraqitur asnjë provë për akuzat e saj. Reperja shtoi gjithashtu se pret një falje nga disa persona, të cilët nuk i përmendi emrat, duke treguar se konflikti me Offset mbetet i ashpër, pavarësisht procesit të divorcit.
Cardi B bëri kërkesë për divorc për herë të tretë verën e kaluar, dhe vetëm një ditë më vonë njoftoi shtatzëninë e saj. Reperja tashmë kishte filluar të distancohej nga Offset, ndërsa burime pranë saj thanë se vendimi i saj ishte i menduar mirë.
"Nuk ishte një moment impulsiv. Ai nuk u zgjua një mëngjes dhe vendosi t'i jepte fund martesës. Ajo është e qetë, e fokusuar te fëmijët, e emocionuar për fëmijën e saj të ri dhe vazhdon të shkruajë muzikë," tha një mik, duke theksuar se Cardi B po ecën përpara me qetësi.
Megjithatë, bilanci tani ka ndryshuar. Qëndrimi fillestar qytetërues mes dy artistëve i ka lënë vendin fërkimit të hapur përmes rrjeteve sociale. Offset komentoi se Cardi B është e vetmuar dhe e pakënaqur, ndërsa ajo u përgjigj publikisht: Nuk më interesojnë gratë me të cilat takoheni, por çdo mashkull me të cilin flas, ju i dërgoni atij DM dhe thoni gjëra të këqija për mua.
Kohët e fundit, Offset duket i vendosur të përshpejtojë procesin e divorcit nga Cardi B dhe të vazhdojë jetën e tij. Reperi 33-vjeçar ka bërë kërkesë për kujdestari të përbashkët ligjore për tre fëmijët e tyre së bashku, Kulture, Wave dhe vajzën e tyre më të vogël.
