VIDEO/ Arrestohet sërish Travis Scott, u konfliktua fizikisht me truprojën e tij në Paris, dalin pamjet nga arrestimi i bujshëm në Miami

Arrestim

SHBA- Pamjet nga arrestimi i reperit Travis Scott në qershor të këtij viti janë publikuar për herë të parë. Në video shihet Travis duke u larguar ndërsa bërtet me mosbesim pas arrestimit të tij për dehje dhe shkelje.

Reperi i "Sicko Mode" debatoi me oficerët e policisë së Miami Beach dhe u tha atyre "Vërtet do të më arrestoni pasi po përpiqesha të merrja çantën time?" teksa e shoqëruan në një makinë policie.

Travis iu ankua oficerëve se kishte shpenzuar 20,000 dollarë për të marrë me qira varkën dhe u ndje i "mosrespektuar" kur "kapiteni hapi derën me shkelm" pasi ai ishte "në një dhomë me mikun e tij." Më pas oficerët intervistuan kapitenin e varkës, i cili pretendoi se Travis ishte në një dhomë gjumi me një grua kur kapiteni u kërkoi atyre të largoheshin.

Kapiteni i anijes pretendoi gjithashtu se Travis e kishte shtyrë atë "shumë herë" dhe më pas u tha oficerëve se nuk donte të ngrinte akuza.

Ndërkohë Travis Scott u arrestua herët në mëngjes ditën e sotme në zemër të Parisit pas një sherri me truprojën e tij. Incidenti ndodhi rreth orës 5 të mëngjesit në hotelin George V, që ndodhet në lagjen e 8-të të kryeqytetit francez, vetëm disa hapa larg Champs-Élysées.

Sipas një burimi policor, raportohet se reperi ka qenë i dehur në momentin e përplasjes.

trevis scott arrestim paris