Një zjarr në një sipërfaqe pyjore midis fshatrave Andon Poçi dhe Hundëkuq, është konstatuar këtë mbrë...
INVESTIGIME
Fisnik Syla, nga “bamirës” në zhvatës parash dhe kërcënues
PiranjatPërditësimi i fundit 24 Prill 2026, 21:20
Jemi në Pogradec dhe kemi ardhur për të kapur fillin e një historie thuajse të pabesueshme, jo vetëm për atë çfarë ka ndodhur, por edhe për personazhin i cili, së bashku me të intervistuarën tonë, një nënë e divorcuar 30-vjeçare, janë bërë protagonistë.
Fisnik Syla është i njohur gjerësisht, sidomos në rrjetet sociale.
Mjaftojnë këto fjali për të kuptuar se kemi të bëjmë me një person të famshëm, që u bë tepër i diskutuar pas lidhjes me këngëtaren kosovare Fjolla Morina, e cila pranoi të sakrifikohej për të, duke provuar edhe qelinë, për shkak të një arme që iu gjet në çantë.
Sidoqoftë, pavarësisht dritëhijeve që e kanë ndjekur në jetën dhe raportet e tij, sidomos me vajzat, historia që do të trajtojmë ka nisur nga një “like” në rrjetin social TikTok.
Ndërkohë, pas disa komunikimeve të shkurtra në TikTok, biseda shpërngulet në një tjetër platformë, në Snapchat, ku Fisniku i kishte kërkuar gruas të hapte një llogari në mënyrë që të fliste me të.
Bisedë pas bisede, 30-vjeçarja i tregon për hallet e jetës dhe vështirësitë për të rritur e vetme fëmijën. Dhe këtu, si një bamirës i deklaruar, Fisniku ndërhyn menjëherë, duke i premtuar se do ta ndihmojë.
Por këtu nis edhe një kalvar i gjatë për të renë, i cili në fund do të mbyllej me presione dhe kërcënime, si dhe me zhvatje parash nga Fisniku. Gruaja fillon të dërgojë shumat e para, duke ndjekur skemën e Fisnikut, i cili i kishte synimet e qarta. Siç mund të merret me mend, asnjë lek nuk iu kthye mbrapsht.
Dhe për këtë, Syla kishte arsye të “forta”, duke mashtruar se ishin bllokuar llogari miliona euroshe dhe se ishte në vështirësi për të rikthyer paratë, duke shfrytëzuar nënën e divorcuar dhe duke i zhvatur para.
Dhe nëse mendoni se gjithçka do të mbyllej te zhvatja e parave, e keni gabim, sepse Fisniku, ashtu si edhe të ngjashmit e tij më përpara, pasi mbaroi me zhvatjen e parave, nisi kërcënimet.
Ai e shantazhonte vazhdimisht 30-vjeçaren se do t’i publikonte foto dhe video intime, që ajo vetë ia kishte dërguar Fisnikut pas këmbënguljes së tij./piranjat news
Të gjitha të drejtat e këtij materiali janë pronë ekskluzive dhe e patjetërsueshme e Piranjat.al sipas ligjit Nr. 35/2016 “Për të drejtën e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi pa autorizimin e Piranjat.al në të kundërt çdo shkelës do të mbajë përgjegjësi
