Një aksident rrugor me pasoja është regjistruar mesditën e sotme, rreth orës 14:05, në afërsi të qytetit të Grams...
INVESTIGIME
Laprakë 13-vjeçari dhunon shokët në shkollë. Drejtori: Është i rrezikshëm.
PiranjatPërditësimi i fundit 10 Mars 2023, 21:00
Dhuna në shkollë është kthyer në një fenomen shqetësues duke regjistruar një numër të frikshëm rritjeje. Rastet e fundit janë konstatuar në disa shkolla të vendit tonë. Vajza që përleshen me njëra-tjetrën duke përdorur dhunë fizike por jo vetëm. Fjalori banal i përdorur nga adoleshentët ngre alarm për shoqërinë që po rritet në vitet e fundit.
Arsyet janë nga më banale duke e bërë të patolerueshme çdo rast të ndodhur. Piranjat kanë bërë një vëzhgim në disa shkolla të kryeqytetit duke sjellë dëshmi dhe pamje rrënqethëse. Asgjë nuk përngjason me një proçes normal mësimor ku në vënd të marrjes së dijes , merret dhunë dhe presion psikologjik.
Rasti i ndjekur nga Piranjat tregon qartazi mjerimin ku ka arritur arsimi në Shqipëri. Denoncuesi yn regjistroi në ditë të ndryshme proçesin mësimor në shkollën 9-vjeçare "Ahmet Gashi" në Laprakë pasi një nxënës aty prish orët e mësimit dhe dhunon shokët e tij. Gjithçka ndodh para syve të mësuesve ,psikologes dhe vet drejtuesit të shkollës. Kjo e bën edhe më të rëndë situatën teksa çdo ditë është e njëjta dhunë askush nuk merr masa. Mësuesit ndjehen të pafuqishëm përballë “problematikut” pasi ligji nuk lejon asnjë hapësirë për të reaguar.
Nga ana tjetër vet shokët dhe shoqet durojnë çdo dhunë prej tij. Shumë prej tyre kanë kërkuar të largohen në një tjetër shkollë dhe pjesa tjetër qëndron në heshtje të dhunës verbale dhe fizike. Prindërit kanë ngritur alarmin në çdo instancë por gjithçka kalon në heshtje. Nxënësi problematik është kthyer në ankthin e gjithë shkollës duke shkatërruar proçesin mësimor. Duke penalizuar padrejtësisht nxënësit e tjerë të cilët shkollën e shohin të ardhmen e tyre dhe jo “Ring boksi” si problematiku i shkollës.
Dhuna nuk tolerohet ndaj masat duhet të jenë urgjente për fenomene të tilla në këto shkolla. Pas konstatimit të rastit në Laprakë , Piranjat takuan edhe drejtorin e shkollës i cili u dorëzua përballë këtij fakti duke pohuar se e njeh shumë mirë rastin pasi është kthyer në shqetësim serioz për jetën e nxënësve aty . Teksa ka shtuar se ligji nuk iu jep asnjë kopetencë për të marrë masa ndaj nxënësit të vetëm që shkatërron vijushmërinë e proçesit normal të mësimit . Thirrja e vetme mbetet në Ministrinë e Arsimit e cila duhet marrë masa ndaj këtyre situatave për të parandaluar shkatërrimin e të ardhmes tonë.
