Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
INVESTIGIME
Skandal në Fier/ Video pornografike brenda një shtëpie ku jetojnë fëmijë të mitur
PiranjatPërditësimi i fundit 3 Tetor 2025, 21:23
Një video me përmbajtje pornografike, e xhiruar në një fshat të Fierit, ka tronditur opinionin publik. Pamjet tregojnë një çift që kryen marrëdhënie seksuale pa asnjë shqetësim, ndonëse e dinë se po filmohen, dhe ajo që e bën ngjarjen edhe më të rëndë është fakti se në të njëjtën dhomë gjendeshin fëmijët e mitur të familjes.
Protagonistja e videos është halla e tre fëmijëve, bashkë me partnerin e saj. Ata jetojnë të gjithë së bashku në një shtëpi të vjetër, në kushte të mjerueshme, pa drita dhe pa asnjë standard jetese. Nën të njëjtën çati, ndodhen edhe nëna e fëmijëve me katër të vegjlit e saj, ndërsa bashkëshorti punon në emigracion. Familja, e varfër dhe e braktisur, është kthyer në një ambient ku kushdo hyn e del, ku mungon çdo kontroll dhe ku fëmijët rriten mes varfërisë, pakujdesisë dhe sjelljeve të rrezikshme të të rriturve.
Gjatë vizitës në banesë, gazetarët u përballën me një realitet tronditës. Një nga djemtë e mitur kishte vizatuar në ballë një figurë banale, ndërsa vajza e vogël, e pyetur për origjinën e vizatimit, përmendi telefonin duke lënë të kuptohet se kishte parë materiale të papërshtatshme. Nga bisedat me fëmijët doli në pah se ata e dinin për ekzistencën e videos dhe madje e shoqëronin me batuta. Një prej tyre përmendi edhe emrin e partnerit të hallës protagonist i videos, i cili prej vitesh punon si gurëpunues në Greqi.
Nëna e fëmijëve, e mbetur e vetme dhe në kushte ekstreme, tregoi mungesë totale reagimi kur iu shfaq videoja. Sjellja e saj tregon qartë se ndodhet në një gjendje që kërkon ndihmë të specializuar, pasi nuk arrin ta lidhë këtë ngjarje tronditëse me pasojat që ka tek fëmijët e saj.
Ky rast i rëndë hap sërish plagën e madhe të abuzimit, neglizhencës dhe mungesës së mbrojtjes për fëmijët në zonat rurale të vendit, ku varfëria dhe mungesa e institucioneve lënë hapësirë për tragjedi të tilla.
Të gjitha të drejtat e këtij materiali janë pronë ekskluzive dhe e patjetërsueshme e Piranjat.al sipas ligjit Nr. 35/2016 “Për të drejtën e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi pa autorizimin e Piranjat.al në të kundërt çdo shkelës do të mbajë përgjegjësi sipas nenit 179 të Ligjit 35/2016
