Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
KOSOVA
Danimarka vendos kushte, ja çfarë kërkoi nga Kosova dhe Serbia në seancën e Këshillit të Sigurimit të OKB-së
PiranjatPërditësimi i fundit 22 Tetor 2025, 09:48
Në seancën e Këshillit të Sigurimit të OKB-së për Kosovën, përfaqësuesi i Danimarkës ka bërë thirrje për një angazhim më të madh nga të dyja palët, Kosova dhe Serbia, në dialogun e lehtësuar nga Bashkimi Evropian. Ai theksoi se ka ardhur koha për hapa konkretë në procesin e normalizimit të marrëdhënieve mes dy vendeve.
“Ne i bëjmë thirrje si Serbisë ashtu edhe Kosovës që të rrisin angazhimin e tyre ndaj dialogut të lehtësuar nga BE-ja. Siç ka thënë shumë qartë Përfaqësuesi Special i sapoemëruar për Dialogun, Z. Peter Sørensen: ‘Është koha për të ecur përpara’,” deklaroi përfaqësuesi danez gjatë seancës.
Ai theksoi se, sipas marrëveshjeve të deritanishme, Kosova duhet të themelojë Asociacionin e Komunave me shumicë serbe, ndërsa Serbia duhet të përmbahet nga kundërshtimi i anëtarësimit të Kosovës në organizata ndërkombëtare.
“Normalizimi i marrëdhënieve është në interes të të gjithë popujve të Kosovës dhe Serbisë. Kjo do të ishte në dobi të paqes, sigurisë dhe stabilitetit afatgjatë në rajon,” theksoi ai, duke i bërë apel të dyja palëve të angazhohen për një zgjidhje të qëndrueshme.
