Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
KOSOVA
Dështoi në sigurimin e votave në Kuvend/ Memli Krasniqi: Albin Kurti nuk do të bëhet më kryeministër i Kosovës
PiranjatPërditësimi i fundit 25 Tetor 2025, 12:56
Kryetari i Partisë Demokratike të Kosovës , Memli Krasniqi, ka deklaruar se Albin Kurti nuk do të bëhet më kryeministër i Kosovës pas dështimit të dielën për të siguruar shumicën e votave në Kuvend për Qeverinë e re.
Krasniqi ka fajësuar Kurtin dhe Vetëvendosjen për krizën politike që ka përfshirë Kosovën, duke theksuar se për mbi 9 muaj është krijuar një bllokadë institucionale, e cila ka çuar në këtë dështim. Ai ka thënë se ishte e qartë që Kurti nuk kishte numrat e nevojshëm për të formuar Qeverinë dhe se kjo ishte konfirmuar nga rezultati i votimit.
"Kemi pasur 9 muaj bllokadë dhe sot u vërtetua ajo që kemi thënë nga hera e parë. Albin Kurti nuk i ka numrat. 56 vota për dhe asnjë më shumë. Albin Kurti më nuk do të jetë kryeministër. As prej 9 shkurtit e as prej zgjedhjeve të ardhshme. Koha e qeverisjes së tij ka marrë fund", tha Krasniqi.
Ai gjithashtu ka shtuar se PDK-ja nuk do të synojë të formojë shumicë nga opozita, duke nënkuptuar se do të vazhdojnë të veprojnë si forcë e opozitës dhe nuk do të përpiqen të bëjnë marrëveshje me partitë tjera për të arritur një shumicë parlamentare.
