Një pedagoge ka shpërthyer kundër kryeministrit Edi Rama, duke e cilësuar si turpin e vendit, dhe duke shtuar se ai duhet të largohet...
POLITIKE
Instituti Demokratik i Kosovës ngre alarmin: As zgjedhjet e parakohshme s'mund të garantojnë formimin e institucioneve
PiranjatPërditësimi i fundit 26 Tetor 2025, 12:51
Instituti Demokratik i Kosovës ka shprehur zhgënjimin e tij për dështimin e deputetëve të Kuvendit të Kosovës për të formuar Qeverinë e re, duke e cilësuar këtë ngjarje si një "zhvillim zhgënjyes" pas një periudhe të gjatë të krizës institucionale.
Në një reagim të publikuar në rrjetet sociale, KDI theksoi se ky dështim është pasojë e mungesës së dialogut politik dhe e dështimit për të arritur marrëveshje që mundësonin funksionimin normal të institucioneve të vendit.
"Ky rezultat është pasojë e drejtpërdrejtë e mungesës së dialogut politik dhe e dështimit për të arritur marrëveshje që do të mundësonin funksionimin normal të institucioneve të vendit", thuhet në reagimin e KDI-së.
Në kushtet e "bllokadës dhe polarizimit të thellë politik", KDI ka sugjeruar që mbajtja e zgjedhjeve të parakohshme parlamentare do të ishte një zgjidhje më e qëndrueshme dhe më e besueshme për të dhënë fund krizës dhe për t’i rikthyer qytetarëve mundësinë për të përcaktuar drejtimin politik të vendit.
"Në këto rrethana, zgjedhjet e parakohshme parlamentare përfaqësojnë opsionin më të qëndrueshëm dhe më të besueshëm për t’i dhënë fund kësaj krize dhe për t’i rikthyer qytetarëve mundësinë për të përcaktuar drejtimin politik të vendit", thuhet më tej në reagim.
Megjithatë, KDI ka paralajmëruar se as zgjedhjet e parakohshme nuk mund të garantojnë formimin e institucioneve të reja, nëse nuk ka një vullnet të fortë për konsensus politik dhe përpjekje për kompromis midis partive.
