Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
KOSOVA
Gruaja e policit i jep fund jetës me armën e bashkëshortit dhe lë një letër pas
PiranjatPërditësimi i fundit 20 Shkurt 2026, 23:11
Një grua e re ka humbur jetën me armë zjarri sot në Istog. Dyshimet e para janë që gruaja ka kryer vetëvrasje dhe se para aktit ka lënë edhe një letër të shkruar.
Bashkëshorti i saj, oficer policie, nuk ka qenë në shtëpi në momentin kur ka ndodhur ngjarja dhe kjo është konfirmuar edhe përmes kamerave të sigurisë që çifti ka instaluar kohë më parë në pronën e tyre.
Spitali i Pejës, po ashtu ka konfirmuar se ka vdekur gruaja e plagosur nga arma e zjarrit në Istog.
Në njoftim po ashtu bëhet e ditur se, nga spitali janë bërë përpjekjet maksimale për t’ia shpëtuar jetën pacientes, por që ka rezultuar pa sukses.
“Spitali i Përgjithshëm në Pejë njofton opinionin publik se sot kemi pranuar një paciente e plagosur me armë zjarri, në gjendje shumë të rëndë shëndetësore.
Menjëherë pas pranimit, ekipet kujdestare, të përkrahura edhe nga ekipet e gatishmërisë, kanë ndërmarrë të gjitha veprimet e nevojshme mjekësore dhe reanimuese, duke u përpjekur maksimalisht për ti shpëtuar jetën pacientes. Përkundër angazhimit intensiv dhe profesional të stafit shëndetësor, fatkeqësisht pacientja nuk ka arritur tu mbijetojë plagëve të marra. Shprehim ngushëllimet tona më të sinqerta për familjen dhe të afërmit e së ndjerës”, thuhet në njoftim.
