Erjon Vishkulli, i riu që mbeti i plagosur në sy nga një plumb gome gjatë protestës, ka pësuar hemorragji gjatë ndërhy...
KOSOVA
Kosova 18 vite shtet/ Osmani dhe Kurti nderojnë kontributin e popullit dhe UÇK-së
PiranjatPërditësimi i fundit 17 Shkurt 2026, 10:51
Ka nisur seanca solemne për 18-vjetorin e Pavarësisë së Kosovës.
Kryeministri Albin Kurti theksoi se shteti, pavarësia dhe Kushtetuta janë të reja, por gjuha, kultura dhe populli i Kosovës janë të lashtë. Ai bëri thirrje që shpallja e pavarësisë të kujtohet gjithmonë me kontributin e ish-krerëve të UÇK-së, të cilët aktualisht po gjykohen në Hagë. “Nuk mund të kujtohet shpallja e Pavarësisë pa i përmendur ata që dhanë kontribut në ndërtimin e shtetit,” tha Kurti.
Presidentja Vjosa Osmani vlerësoi se sakrifica e popullit të Kosovës për të arritur pavarësinë ka qenë shekullore. Pas ngritjes solemne të flamurit të vendit, ajo theksoi se qytetarët bashkohen sot për të festuar dhe për të përkujtuar të gjithë ata që dhanë gjithçka për Kosovën. Mes urimeve ndërkombëtare, Sekretari Amerikan i Shtetit, Marco Rubio, uroi Kosovën për këtë përvjetor, duke theksuar mbështetjen e palëkundur të SHBA-së për sovranitetin dhe integritetin territorial të vendit. Rubio gjithashtu vlerësoi kontributin e Kosovës në përpjekjet globale për paqe dhe siguri. Edhe Kryeministri i Shqipërisë, Edi Rama, uron Kosovën për 18-vjetorin e pavarësisë. Në një postim në Facebook, Rama theksoi se nuk mund të jetë i pranishëm në tubimin në mbështetje të “katër pengjeve të UÇK-së” në procesin që po zhvillohet në Hagë, duke shprehur solidaritetin e tij me ta
