Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
KOSOVA
Protesta e Veteranëve të Luftës së UÇK-së, kryekomunari i Prishtinës njofton transportin falas
PiranjatPërditësimi i fundit 16 Tetor 2025, 14:18
Kryetari i Komunës së Prishtinës, Përparim Rama, ka njoftuar se ka nënshkruar një vendim për të siguruar transportin për veteranët e Ushtrisë Çlirimtare të Kosovës (UÇK) që do të marrin pjesë në protestën gjithëkombëtare që do të zhvillohet më 17 tetor në Tiranë.
Në një postim të tij, Rama theksoi se veteranët e UÇK-së janë një pjesë e rëndësishme e ndërgjegjes kombëtare dhe se Prishtina do të vazhdojë të shërbejë si shembull i respektit institucional dhe mirënjohjes publike ndaj tyre.
"Veteranët tanë nuk janë pjesë vetëm e së kaluarës, por janë pjesë e ndërgjegjes sonë kombëtare," shkroi Rama. Ai shtoi se kryeqyteti i Kosovës do të mbetet gjithmonë një model i respektit dhe nderimit për ata që dhanë kontributin e tyre për lirinë e vendit.
Postimi i plotë nga Përparim Rama:
Sot kam nënshkruar vendimin për të siguruar transportin për veteranët e Ushtrisë Çlirimtare të Kosovës, që do të marrin pjesë në protestën gjithëkombëtare më 17 tetor në Tiranë. Veteranët tanë nuk janë pjesë vetëm e së kaluarës por janë pjesë e ndërgjegjes sonë kombëtare dhe Prishtina, si kryeqytet i Kosovës, do të mbetet shembull i respektit institucional, i kulturës politike dhe i mirënjohjes publike. Me nderim të thellë për të gjithë veteranët, për familjet e dëshmorëve dhe për të gjithë ata që e mbajnë ende gjallë kujtesën e lirisë sonë, shihemi në Tiranë. Ju takon respekti i një kombi të tërë.
