Një pedagoge ka shpërthyer kundër kryeministrit Edi Rama, duke e cilësuar si turpin e vendit, dhe duke shtuar se ai duhet të largohet...
KOSOVA
"Trump tregoi lidership të vërtetë"/ Vjosa Osmani përshëndet marrëveshjen Izrael-Hamas: Paqe që ka kohë që duhej të arrihej
PiranjatPërditësimi i fundit 9 Tetor 2025, 09:46
Presidentja e Kosovës, Vjosa Osmani, ka komentuar përparimin e arritur në negociatat për paqe mes Izraelit dhe Hamasit, ku të dyja palët nënshkruan fazën e parë të planit të paqes, i iniciuar nga presidenti amerikan Donald Trump. Në një postim në X, Osmani e ka vlerësuar këtë arritje si një moment të rëndësishëm dhe të nevojshëm për paqen në Lindjen e Mesme.
"Një moment përcaktues për paqen. Paqe që është urgjente. Paqe që ka kohë që duhej të arrihej," ka shkruar Osmani. Ajo ka theksuar se ky është një hap i rëndësishëm në përpjekjet për një paqe të qëndrueshme mes izraelitëve dhe palestinezëve, duke vlerësuar veçanërisht liderët që kanë kontribuar në këtë proces.
Në fjalën e saj, Osmani ka theksuar se "Presidenti Donald Trump dhe Administrata e tij kanë treguar lidership dhe përkushtim të vërtetë për të sjellë paqe të qëndrueshme për izraelitët dhe palestinezët njësoj, si dhe përkushtim të palodhur për t’i dhënë fund vuajtjeve që kanë duruar breza të tërë njerëzish të pafajshëm."
Ajo gjithashtu ka falenderuar ndërmjetësuesit nga Katari, Egjipti dhe Turqia për angazhimin e tyre të vazhdueshëm dhe për rolin e tyre vendimtar në mundësimin e përparimit të procesit të paqes.
