Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
KOSOVA
Ushtria serbe stërvitje pranë kufirit me Kosovën, Albin Kurti: Duan të cenojnë integritetin territorial
PiranjatPërditësimi i fundit 19 Mars 2026, 12:08
Kryeministri i Kosovës, Albin Kurti, ka reaguar ndaj stërvitjeve të ushtrisë serbe pranë kufirit me Kosovën, duke i cilësuar ato si veprime provokuese dhe përpjekje për të cenuar integritetin territorial dhe sovranitetin e vendit.
Ai theksoi se institucionet e sigurisë mbeten të gatshme dhe se kufiri i Kosovës është i mbrojtur në bashkëpunim të ngushtë me partnerët ndërkombëtarë.
Sipas Kurtit, këto veprime dëshmojnë njëkohësisht synimet e Serbisë për të ushtruar presion, por edhe mungesën e kapaciteteve për të ndikuar brenda territorit të Kosovës, duke qenë se, sipas tij, nuk ekzistojnë më struktura ilegale që mund të rrezikojnë stabilitetin dhe sigurinë në vend.
“Ky është një provokim i Serbisë, i cili natyrisht që dëshiron ta cenojë integritetin territorial dhe sovranitetin shtetëror të Republikës sonë. Bëhet fjalë për njësi të cilat e kanë trajnuar kryekriminelin dhe kryeterroristin Milan Radoiçiç, në bazat e stërvitjes për vrasjen e policit të Kosovës, heroit Afrim Bunjaku. Por në të njëjtën kohë tregon edhe pafuqinë e tyre. Sepse në Kosovë më nuk ka struktura ilegale të cilat mund ta cenojnë stabilitetin institucional, integritetin territorial, sovranitetin shtetëror, paqen dhe sigurinë për të gjithë. Dhe nga kjo pafuqi e tyre që të bëjnë diçka brenda Kosovës tash kanë shkuar aty rrotull kufirit edhe përpiqen që të demonstrojnë forcën”, tha ai në një deklaratë për media pas përurimit të segmentit të rrugës Vushtrri-Prishtinë.
Kurti bëri të ditur se lidhur me këtë çështje u është drejtuar faktorëve ndërkombëtarë dhe paralajmëroi adresim edhe në mbledhjen e Qeverisë.
