Ish-ministri i Jashtëm, Ditmir Bushati ka reaguar për herë të parë në lidhje me protestat masive të të rinjve dhe qyteta...
KOSOVA
VIDEO/ Krerët e shtetit serb festojnë me këngë çetnikësh dhe me kërcënime ndaj Kosovës
PiranjatPërditësimi i fundit 28 Tetor 2025, 23:32
Të dehur, duke i bërë serenatë presidentit me këngë çetnikësh dhe kërcënuar Kosovën. Në Beograd, Partia Progresive Serbe e Aleksandër Vuçiçit festoi atë që vetë e quajti “të Premten e Madhe të partisë”. Në ambientet e SNS-së, udhëheqësit më të lartë të pushtetit serb, përfshirë kryeministrin Gjuro Macut dhe kryetaren e Kuvendit Ana Brnabiç, u mblodhën për një mbrëmje që ngjante më shumë me një festë pijanecësh sesa me një aktivitet institucional.
Nga selia e SNS-së kishte lidhje të drejtpërdrejtë me programin televiziv “Informer”, ku të pranishmit, përfshirë ministra dhe zyrtarë të lartë, këndonin një këngë kushtuar vetë presidentit Vuçiç. Në kor, dëgjohej vargu “President Aleksandër, falëndero nënën tënde që lindi një hero për t’i rikthyer lavdinë Serbisë”.
Në një moment të veçantë, kryeparlamentarja Bërnabiç dhe ministrja Milica Gjurgjeviç Stamenkovski u prekën nga kënga “Vidovdan” dhe vargu “Kush mund ta marrë Kosovën nga shpirti im…”, një tekst i ngarkuar me simbolikë nacionaliste, që ka frymëzuar masakrat në Kosovë.
Në rrjetet sociale, festa u kthye në temë ironie. Pamje nga Borça tregonin anëtarë të SNS-së, në gjendje të dehur, duke kërcyer me koreografi të çrregullta në tarraca ndërsa këndohej “Tri puthje që dua”.
