Ish-ministri i Jashtëm, Ditmir Bushati ka reaguar për herë të parë në lidhje me protestat masive të të rinjve dhe qyteta...
LIFESTYLE
75 milionë këngë 'spam' të zhdukura, si Spotify po kontrollon krijimet e IA-së
PiranjatPërditësimi i fundit 25 Shtator 2025, 16:05
Spotify ka njoftuar masa të reja për të adresuar përmbajtjen muzikore të krijuar nga inteligjenca artificiale, duke përfshirë imitimet e padëshiruara dhe mungesën e transparencës. Kompania synon të mbrojë artistët e vërtetë dhe të sigurojë që dëgjuesit të mos ndihen të mashtruar.
Mes masave të reja është parandalimi i përmbajtjes së dobët, ku Spotify do të identifikojë dhe heqë këngët e krijuara nga IA që nuk plotësojnë standardet e cilësisë, si dhe ndalimi i imitimit të padëshiruar, duke mos lejuar përdorimin e zërit të artistëve pa leje përfshirë deepfake dhe klonimin e zërit nga IA.
Gjithashtu, kompania po zhvillon një standard të ri me skedarin e të dhënave për artistët në bashkëpunim me organizatën DDEX për të zbuluar përdorimin e inteligjencës artificiale në çdo pjesë të krijimit të këngës. Spotify ka hequr gjithashtu 75 milionë këngë spam gjatë vitit të kaluar dhe ka mohuar akuzat se promovon këngë të krijuara nga IA për të ulur kostot e pagesave të të drejtave të autorit, duke theksuar se të gjitha këngët në platformë janë krijuar dhe ngarkuar nga palë të treta të licencuara.
