Një tjetër tentativë e negociatorëve për të bindur 35-vjeçarin të dorëzohet është zhvilluar pak minut...
LIFESTYLE
A ka pasur bota gra luftëtare në Mesjetë?
PiranjatPërditësimi i fundit 7 Maj 2026, 09:38
Nga fillimi deri në fund të Mesjetës (pra nga shekulli V deri në mesin e shekullit XV), shembujt e grave kalorëse janë të shumtë, siç dëshmohet nga një sasi e madhe burimesh historike dhe ikonografike, si edhe nga disa varrime të grave të gjetura me armët që me shumë gjasë i kanë përdorur në betejë.
Vikingët madje kishin një term të veçantë për të përshkruar një grua luftëtare: skjaldmær, që do të thotë “vajzë me mburojë”.
Ndër më të famshmet është Lagertha, gruaja e parë e Ragnar Lodbrok, mbret i Suedisë dhe Danimarkës, i cili sundoi edhe Norvegjinë.
Gratë në kryqëzata
Edhe në gjerësitë tona nuk mungonin gra kalorëse, madje ato merrnin pjesë dhe sfidonin burrat në turne.
Për të frenuar këtë fenomen dhe pjesëmarrjen e madhe të grave në kryqëzatat e para, papa Klementi III në vitin 1189 nxori një bullë që ndalonte gratë të vishnin rroba mashkullore dhe të luftonin.
Me sa duket me pak efekt, sepse prania e grave luftëtare në kryqëzatat e mëvonshme është e dokumentuar historikisht.
Për më tepër, vetëm disa dekada më parë, në vitin 1149, konti i Barcelonës Raimondo Berengario IV kishte themeluar një urdhër kalorësor të hapur vetëm për gratë, Urdhri i Sëpatës (Orden del Hacha), për të nderuar gratë që kishin mbrojtur me trimëri qytetin katalanas të Tortosës nga Maurët
