Një zjarr shpërtheu pasditen e së dielës, 26 korrik në një zonë me bimësi të ulët në jug të Pylaia...
LIFESTYLE
La pas ‘Titanic’ dhe ‘La La Land’ në Oscars: “Sinners” hyn në histori
PiranjatPërditësimi i fundit 23 Janar 2026, 12:18
Filmi horror “Sinners”, me regji nga Ryan Coogler, ka hyrë zyrtarisht në histori, me plot 16 nominime në Oscars 2026, duke lënë pas "All About Eve" (1950), "Titanic" (1997) dhe "La La Land" (2016), të cilët kanë pasur secili 14 nominime. Ky sukses shënon një rekord për këtë zhanër dhe një moment të rrallë për kinemanë horror.
I publikuar në prill të vitit 2025, “Sinners” është nominuar në disa nga kategoritë më të rëndësishme, përfshirë “Filmi më i mire”, “Regjisori më mire”, si edhe për interpretimet e tre prej aktorëve kryesorë: Michael B. Jordan, Wunmi Mosaku dhe Delroy Lindo.
Në qendër të filmit është Michael B. Jordan, i cili interpreton binjakët Smoke dhe Stack, dy role shumë të ndryshme nga njëri-tjetri, që i kanë sjellë aktorit vlerësime të shumta. Në kast përfshihen gjithashtu Hailee Steinfeld, Miles Caton, Jack O’Connell, Jayme Lawson, Omar Benson Miller etj.
“Sinners” ka në qendër historinë e binjakëve Smoke dhe Stack, të cilët rikthehen në qytetin e tyre të lindjes dhe hapin një klub nate. Planet e tyre marrin një kthesë të errët kur përballen me vampirë, por filmi shkon përtej horrorit klasik.
Filmi përdor elementët e horrorit si metaforë për të prekur temat e racës, fesë, familjes dhe dhunës; është një histori e errët, por edhe thellësisht simbolike.
Në intervista të mëparshme, regjisori Ryan Coogler ka pranuar se realizimi i filmit ishte emocionalisht sfidues, pasi për herë të parë kishte krijuar një histori tërësisht origjinale, pa u mbështetur në ngjarje reale.
Ceremonia e Oscar do të zhvillohet më 15 mars (në orët e para të 16 marsit, sipas orës sonë lokale).
