Pak javë më parë ju treguam skemën që ka nisur të aplikohet në masë nga ekzekutivi për të anashkaluar transpar...
SHOWBIZ
“Menaxherët janë e keqja e muzikës”, këngëtari italian shpall luftë me menaxherin, ky i fundit i përgjigjet me ironi
PiranjatPërditësimi i fundit 30 October 2026, 16:04
Një deklaratë e fortë në rrjetet sociale ka rikthyer Blanco në qendër të vëmendjes, por këtë herë jo për muzikën. Këngëtari italian ka publikuar një mesazh që duket si një sulm i drejtpërdrejtë ndaj menaxherëve në industrinë muzikore, duke shkaktuar menjëherë reagime dhe aludime për një krisje në marrëdhënien me menaxherin e tij, Stefano Clessi.
“Menaxherët janë e keqja e muzikës”, shkroi Blanco në një story në Instagram të shoqëruar nga kënga “Sfiorivano le viole” e Rino Gaetano. Edhe pse nuk përmendi asnjë emër, fansat vunë re se këngëtari dhe Clessi nuk e ndiqnin më njëri-tjetrin në rrjetet sociale, duke shtuar dyshimet për një ndarje profesionale.
Përgjigjja e menaxherit nuk vonoi. Stefano Clessi, themelues i kompanisë Eclectic Music Group, publikoi një mesazh ku duket se i drejtohej pikërisht këngëtarit, duke mos kursyer as ironinë.
“Kur arrin sukses dhe famë në një moshë shumë të re, të pranosh ‘jo’-të nuk është e lehtë, e kuptoj”, shkroi ai, duke theksuar se pas 23 vitesh në këtë industri, dëshiron të vazhdojë të punojë vetëm me njerëz që kanë dëshirë të ndërtojnë, të argëtohen dhe të tregojnë respekt ndaj të gjithëve.
