"2027 është afat shumë ambicioz për mbylljen e negociatave", Rama: Pasaporta që kemi sot është dokument udhëtimi, por jo më shumë se kaq

edi rama

TIRANË- Kryeministri Edi Rama tha sot se janë rreth 1 mijë veta që po punojnë për mbylljen e negociatave me Bashkimin Europian. Rama tha se viti 2027 është një afat shumë ambicioz për t'i mbyllur këto negociata. Ai u shpreh se me anëtarësimin merret edhe pasaporta e BE-së, për të cilën tha se është shumë ndryshe nga ajo që kemi sot. Sipas tij pasaporta që kemi sot është vetëm një dokument udhëtimi. 

"Kemi mbi 250 mijë faqe në tryezë me BE për të gjitha fushat. Kemi 1000 vetë për secilën anë dhe flasin për negociatat. Këto që duhen bërë janë ligje, vendime qeverie, masa që duhen marrë. Dhe kur ne biem dakord atje. Skuadra vjen këtu dhe thotë se jemi dakordësuar. Keto më pas ju dërgohen institucioneve. 2027 është afat shumë ambicioz. Filluam negociatat vjet dhe kërkohet ti mbyllim për 3 vjet. BE në këtë moment ka hapur derën dhe do që Shqipërinë dhe Malin e Zi ti marrë brenda. Rreziku është që ne mos t'i përgjigjemi atyre. Duke pas probleme ne parlament. Mos të ndodhë kjo duhet të rrisim fuqinë vendimmarrëse. Duke u bërë anëtarë të BE merrni pasaportën atje. Kijeni parasysh dhe ta dini shumë mirë që ajo pasaportë nuk është si ajo që kemi sot. Pasaporta që kemi sot është dokument udhëtimi, por jo më shumë se kaq.", tha Rama. 

edi rama