Ish-ministri i Jashtëm, Ditmir Bushati ka reaguar për herë të parë në lidhje me protestat masive të të rinjve dhe qyteta...
POLITIKE
Binaj dhe Manastirliu “kokë më kokë”/ Sondazhi: Garë e fortë mes dy kandidatëve kryesorë, ja si priren të votojnë qytetarët e Tiranës dhe shqetësimi kryesor
PiranjatPërditësimi i fundit 28 Tetor 2025, 22:45
Është publikuar mbrëmjen e sotme sondazhi më i fundit i realizuar nga “Notosondaggi”, përpara se zgjedhjeve lokale në Tiranë. Sondazhi, i drejtuar nga eksperti i njohur italian Antonio Noto, paraqet prirjet elektorale dhe preferencat e votuesve në bashkinë më të madhe të vendit, ku do të votohet për pasardhësin e Erion Veliajt në krye të saj.
Sipas pyetjes së katërt të sondazhit, “Kryetar i Bashkisë së Tiranës: Orientimi i votimit”, rezultatet tregojnë një garë shumë të ngushtë mes kandidates së Partisë Socialiste, Ogerta Manastirliu, dhe kandidatit të pavarur, të mbështetur nga opozita e bashkuar, Florjan Binaj. -Ogerta Manastirliu (Partia Socialiste e Shqipërisë) merr 44,0% të mbështetjes, me një interval mes 42% dhe 46%.
-Florjan Binaj (I mbështetur nga Partia Demokratike, Partia Mundësia, Nisma Thurje, Lëvizja Shqipëria Bëhet) rezulton me 42,0%, në një interval nga 40% deri në 44%.
-Arlind Qorri (Lëvizja BASHKË) renditet i treti me 12,5%, ndërsa
-Marko Dajti (Partia e Punës së Shqipërisë e Riorganizuar) merr 1,5% të preferencave.
Rezultatet tregojnë se diferenca mes dy kandidatëve kryesorë është vetëm 2 pikë përqindje, çka e bën garën për Tiranën tepër të hapur.
Sakaq, shqetësimi kryesor i banorëve të kryeqytetit është trafiku me të cilën përballen çdo ditë. Pyetjes së Notosondaggi; “Cili është, sipas jush, problemi kryesor/emergjent i Bashkisë së Tiranës?”, 54% të të anketuarve e shohin trafikun në rrugë si sfidën më urgjente të kryeqytetit. Në vend të dytë dhe të tretë me rreth 24 përqind të të pyeturve rendisin si shqetësim pamjaftueshmërinë e transportit publik dhe rrugët jashtë standardeve. Ndër shqetësimet e tjera të përmendura janë: mungesa e korsive të biçikletave, ndriçimi i dobët publik, menaxhimi i mbeturinave si dhe mungesa e hapësirave të gjelbra
