Të rinjtë protestues kanë refuzuar thirrjet për dialog me kryeministrin Edi Rama.
Gjatë protestës, studentët kanë p&e...
POLITIKE
“82 votat e turpit kundër Shqipërisë!”/ Këlliçi akuza mazhorancës: Rama imunitet për të korruptuarit, i vuri kufi drejtësisë
PiranjatPërditësimi i fundit 12 Mars 2026, 12:34
Deputeti i Partisë Demokratike, Belind Këlliçi, ka hedhur akuza të forta ndaj mazhorancës dhe kreut të saj Edi Rama, menjëherë pasi përfundoi seanca plenare në Kuvend, ku u rrëzua me 82 vota kërkesa e SPAK për heqjen e imunitetit të Belinda Ballukut, zv/kryeministres së shkarkuar, pezulluar dhe e marrë e pandehur.
Ai i cilëson “82 votat e turpit” dhe vë në dukje se Rama me këtë proces i vuri kufirin drejtësisë për të hetuar vjedhjet dhe shpërdorimin e 1,1 mld eurove për të cilat është marrë e pandehur Balluku.
“82 votat e turpit, kundër Shqipërisë! Edi Rama sapo ngriti kartonat në Kuvend për të krijuar imunitet ekstra para drejtësisë dhe për të mbrojtur korrupsionin, duke shënuar një rekord të shëmtuar e historik. Rrëzimi i kërkesës së SPAK për arrestimin e Belinda Ballukut, e pandehur me akuzën e shpërdorimit të 1.1 miliardë eurove, është kufiri që Edi Rama i vendos drejtësisë”, shprehet deputeti me një postim në rrjetin social Facebok.
Më tej ai thekson se “Shqipëria nuk e kaloi testin kritik” dhe i tregoi ndërkombëtarëve dhe shqiptarëve se po ngrihet sulltanati i kryeministrit Rama. Në fund deputeti paralajmëron se opozita dhe shqiptarët nuk do lejojnë që vendi të bjerë në greminë.
Reagimi
“82 votat e turpit, kundër Shqipërisë!
Edi Rama sapo ngriti kartonat në Kuvend për të krijuar imunitet ekstra para drejtësisë dhe për të mbrojtur korrupsionin, duke shënuar një rekord të shëmtuar e historik.
Rrëzimi i kërkesës së SPAK për arrestimin e Belinda Ballukut, e pandehur me akuzën e shpërdorimit të 1.1 miliardë eurove, është kufiri që Edi Rama i vendos drejtësisë.
Eshtë e qartë se aferat për të cilat hetohet Balluku, janë afera të Edi Ramës, ku ai është totalisht i përfshirë. Ndaj, mbrojtja e saj u bë për Kryeministrin e shumicën, më e rëndësishme se integrimi i vendit, se raportet me Brukselin, se barazia para ligjit, se lufta ndaj korrupsionit.
Me votimin e turpshëm sot që do të mbahet mend gjatë dhe do të ngelet si vepër e Edi Ramës dhe e të gjithë atyre deputetëve që ngritën kartonin pro-korrupsionit e kundër drejtësisë, u shkel haptazi vija e kuqe.
Shqipëria nuk e kaloi testin kritik. Edi Rama u tregoi qytetarëve dhe partnerëve ndërkombëtarë, me votë, me vendim Parlamenti, se ai ngriti sot sulltanatin e tij privat.
Ky regjim hajdutërie i themeluar sot në Kuvend, nuk do ta ketë jetën të gjatë sepse është ngritur kundër vlerave, parimeve e aspiratave të shumicës së shqiptarëve.
Shqiptarët nuk meritojnë të kenë një Republikë të Korrupsionit, ku abuzimi me fondet publike dhe paratë e shqiptarëve mbrohet me votë.
Vendi ynë sot është pranë një gremisje të rrezikshme. Por, në honin e zullumit të tij do të bjerë Edi Rama.
Bashkë me qytetarët, nuk do lejojmë që ai të marrë me vete dhe Shqipërinë”.
