Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
POLITIKE
A do ta ankimojnë shkarkimin në Kushtetuese? Reagon një prej avokatëve të Veliajt
PiranjatPërditësimi i fundit 25 Shtator 2025, 21:32
Edi Rama sot finalizoi me vendim të Këshillit të Ministrave shkarkimin e Erion Veliajt nga detyra e kryetarit të Bashkisë së Tiranës. Erion Veliaj ka të drejtë ta ankimojë shkarkimin në Gjykatën Kushtetuese brenda 15 ditësh, dhe në këtë rast vendimi i qeverisë do të pezullohej, deri në një vendimmarrje të gjykatës më të lartë në vend. Nuk dihet nëse Edi Rama do ta dërgojë menjëherë në Presidencë vakancën e krijuar në Bashkinë e Tiranës, ku Bajram Begaj të shpallë datën e zgjedhjeve të reja, apo do të presë se çfarë do të bëjë Veliaj.
Te “Të paekspozuarit”, gazetarja Klodiana Lala tregoi mesazhin ku kishte komunikuar në telefon me një prej avokatëve të Erion Veliajt, të cilët dukeshin se vendimi i Ramës i ka kapur të papërgatitur dhe nuk kanë bërë gati ankimim për në Gjykatën Kushtetuese dhe as nuk u thanë kush për ta bërë një gjë të tillë. Gjithsesi, sipas mesazhit të dërguar nga avokati i Erion Veliajt, pritet që ai të bëjë ankimim, pasi ndryshe do të kishte dhënë dorëheqjen përpara vendimit të shkarkimit nga Këshilli Bashkiak dhe Qeveria.
“Njëri nga avokatët e Veliajt thotë se besoj se do t’i drejtohet Gjykatës Kushtetuese sepse përndryshe Veliaj do të kishte dhënë dorëheqjen. Megjithatë, thotë, ende nuk na është thënë që ne të bëjmë gati ankimimin.“ – tha Lala, duke lexuar mesazhin e dërguar nga avokati.
Kujtojmë se në vendimmarrje, Këshilli Bashkiak iu referua pikës c të nenit 62 të ligjit “Për vetëqeverisjen vendore” që thotë se Kryetari i bashkisë shkarkohet me vendim të Këshillit të Ministrave kur propozohet për shkarkim nga këshilli bashkiak përkatës për mosparaqitje në detyrë për një periudhë 3-mujore të pandërprerë.
Gjithsesi, nenit të cilit iu referua Këshilli Bashkiak ka paqartësi dhe interpretim të kuadrit ligjor, pasi nuk përcaktohet nëse mungesa në detyrë duhet të jetë e arsyetuar apo jo.
