Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
POLITIKE
Akuzat e medias italiane për qeverinë shqiptare, Meloni: Përbaltje! S’mund të rrezikojmë dhe të komprometojmë marrëdhëniet e fqinjësisë
n.fPërditësimi i fundit 5 Qershor 2024, 14:32
Meloni
SHËNGJIN- Pas inspektimeve në kampin e refugjatëve në Shëngjin kryeministri Edi Rama ka zhvilluar një konferencë të përbashkët me homologen e tij në Itali, Giorgia Meloni. Pas fjalës së dy krerëve të vendeve janë zhvilluar pyetje nga gazetarët të cilët ishin prezentë në konferencë.
Meloni duke iu përgjigjur pyetjes për akuzat e hedhura ndaj shqiptarët theksoi se akuzat në drejtim të qeverisë shqiptare janë përbaltje. Ajo tha se herë tjetër me të tilla marrëveshje nuk do të rrezikojnë që të komprometohen marrëdhëniet e fqinjësisë.
“E thash edhe gjatë fjalës time, mendoj se arosje vërtetë nuk është që të sulmohet qeveria shqiptare apo populli shqiptar, Po janë pozicione të ligjshme të legjitimuara dhe që janë armiqësore ndaj qeverisë italiane. Luajnë në këndvështrimin e tyre, duke shpalosur qëndrimin e tyre. Mendoj se duhet vlerësuar fakti që për të goditur, sulmuar qeverinë italiane, goditet dhe sulmohet një partner ndërkombëtar. S’po dëmtohet vetëm qeveria italiane, por dhe Italia si vend.
Pavarësisht suksesit të marrëveshjes, përfshihet vendi për këtë përbaltje. Rrezikojmë që t’i shkaktojmë një dëm të gjithë vendit. Shpreh gatishmërinë që ta hedhim poshtë këtë përbaltje. Në të ardhmen do të jemi më të vëmendshëm ndaj propozimeve që realizojmë. S’mund të rrezikojmë dhe të komprometojmë marrëdhëniet e fqinjësisë. Këtë e kam bërë në opozitë, por sot kam vendosur që mos ta bëj më.”, tha ajo.
