Ka përfunduar protesta e 50-të radhazi e qytetarëve para godinës së Kryeministrisë në Tiranë, ku pjesëmarrës...
POLITIKE
12 orë Komision hetimor për sistemin TIMS, merren dëshmitë e Ballës, Rrumbullakut dhe Muçës, Salianji: Zbuluam të dhëna befasuese!
M.B.Përditësimi i fundit 5 Qershor 2024, 08:57
Pjesë nga videoja
TIRANA- Kryetari i Komisionit Hetimor për të dhënat e sistemit TIMS, Ervin Salianji, ka njoftuar me anë të një video-postimi në rrjetet sociale, se marrja në pyetje e dëshmitarëve ka përfunduar rreth orës 04:00 të mëngjesit të sotëm. Salianji ka shtuar se nga këto dëshmi të ministrit të Brendshëm Taulant Balla, të Drejtorit të policisë së Shtetit, Muhamet Rrumbullakut dhe të ish-drejtorit të IT-së në Policinë e Shtetit, Ervin Muça, janë zbuluar të dhëna befasuese. Salianji tha se se pavarësisht përpjekjeve të mazhorancës për të bllokuar hetimin, këto po shkojnë drejt fundit.
“Në orën 3:26 të mëngjesit kemi përfunduar seancën e pyetjes. Do të jemi në dijeni për shumë çështje që janë diskutuar në këtë komision. Kemi arritur të zbulojmë të dhëna befasurese në lidhje me hetimin parlamentar. Pavarësisht përpjekjeve të PS për të bllokuar hetimin po shkojmë drejt fundit", thotë Salianji.
Marrja në pyetje Ballës, Rrumbullakut dhe Muçës u bë me dyer të mbyllura, për shkak të të dhënave të ndjeshme që përmbajnë informacionet, sipas tyre.
