Një tjetër grup studentësh, ata të Mjekësisë, i janë bashkuar turmës së protestuesve të mbledhur para Kryemini...
POLITIKE
Apeli i dha zyrtarisht vulën Sali Berishës, Basha: Do bëjmë rekurs në Gjykatën e Lartë, vendim jo i ligjshëm!
r.llPërditësimi i fundit 14 Qershor 2024, 18:05
lulzim basha
TIRANË- Pas mbledhjes me Kryesinë dhe Kolegjin e Kryetarëve, Lulzim Basha, deklaroi se do të bëjë rekurs në Gjykatën e Lartë sepse e konsideron jo të ligjshëm vendimin e Apelit për vulën e PD, e cila iu dha zyrtarisht Sali Berishës. Sipas tij, Berisha nuk është zgjidhja e duhur për të larguar Ramën nga qeveria.
"Shqiptarët do kenë alternativen e tyre. Rekursi bëhet sepse është bindja e thellë edhe profesionale dhe juridike që vendimi i 11 qershorit është i padrejtë. Do bëjmë rekurs. Në çdo rast shqiptarët do kenë alternativen e tyre. Ne do hyjmë në zgjedhje. PDSH do të kthehet aty ku duhet të jetë dhe vendi i PDSH është me vlerat që ka lindur. Nuk mundet PD të jetë kundër SPAK, kundër aleatëve strategjike. Beteja jonë e parë është që përmes rekursit PDSH ti kthehet demokratëve për të bërë një beteje. Berisha nuk është zgjidhja për të larguar Ramën. Në fakt është aseti i vetëm i Ramës në zgjedhje. Qëndrimi ynë sot është që përmes një rekursi do kërkojmë që PDSH të kthehet tek vlerat. Në cdo rast alternativa jonë do jetë në zgjedhje.", tha Basha.
Basha tha se nëse nuk marrin logon e PD-së, do të krijojnë një parti të re.
"S’ka pikë rëndësie se si do të paraqitet kjo me çfarë ngjyre dhe logoje, por do të jetë alternativë. Sigurisht do të doja të ishte me logon e PD-së."- u shpreh Basha.
