Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
POLITIKE
"Armiku më i rrezikshëm është armiku i brendshëm", Berisha: Ishte një paralajmërim i ndershëm dhe i fortë i Trump! Një deklaratë epokale
n.fPërditësimi i fundit 16 Shkurt 2025, 13:52
TIRANË- Kreu i Partisë Demokatike, Sali Berisha ka mbajtur fjalën e tij gjatë takimit të zhvilluar sot ku po prezantohet "Programi i Qeverisjes 2025-2029 për sektorin e Ekonomisë". Berisha gjatë fjalës së tij përshëndeti të ftuarit ndërsa theksoi se Fondacioni Heritage është një aleat i vjetër shumë i çmuar i Partisë Demokratike. Berisha shtoi se të historinë e njërëzimit, ndryshimet e mëdha edhe epokale i kanë shënuar burrat e shtetit guximtarë.
Berisha gjithashtu tha se e kësaj rëndësie epokale është edhe deklarata e Donald Trump ku u shpreh se armiku më i rrezishëm është armiku i brendshëm. Ai theksoi se për ata që kanë jetuar në diktaturë tingëllon si diçka e vjetër por sipas tij kjo është një e vërtetë shumë e guximshme.
Ai theksoi se armiku i brendshëm po cenonte lirine e qytetareve amerikane ndërsa shtoi se nuk po e cenonte as Kina as Rusia. Berisha theksoi se fitorja e Trump ishte një mrekulli për njerëzimin dhe deklarata e Trump ishte paralajmërim i ndershëm dhe i fortë.
"Së pari, përshëndes praninë e miqve tanë në këtë panel. Mirënjohje të pakufijshme. Fondacioni Heritage është një aleat i vjetër shumë i çmuar i ditëve më të vështira, por dhe i ditëve më të mira të Partisë Demokratike. Një aleat me të cilin ne kemi ndarë parime, programe, dhe kam kënaqësinë më të veçantë që sot përfaqësuesi dhe miku i vjetër i këtij fondacion, Steven Buçi ndodhet midis nesh. Përfaqëson në një moment kur ne paraqesim programin pjesën më palcore të programit ekonomik. Kam shumë kënaqësi që, personaliteti i shquar i konservatorëve britanikë, aletaëve tanë që në themelimin e PD, drejtuesin e fondacionit të mirënjohur, Neë Direction Conservative të bazuar në Bruksel, z. Van Orden, ndodhet midis nesh për të ndihmuar në këtë program.
Drejtuesi Asham, është gjithashtu një përfaqësues shumë i rëndësishëm i biznesit shqiptar, dhe biznesit shqiptaro-amerikan. Falënderoj shumë të gjithë specialistët, insititutet. Institutin konservar, Policy Center, Albanian Policy Center, të gjithë ekspertët, departamentet që kanë bërë një punë të shkëlqyer në hartimin e këtij programi. Kthehem tek pyetja. Po të vështrosh historinë e njërëzimit, ndryshimet e mësha edhe epokale i kanë shënuar burrat e shtetit guximtarë. Në kulmin e agresionit nazist, Uinston Çërçil do të deklaronte ‘ëe never sorround’. Kundërshtari kishte 6-fishin e forcës ajrore. Kishte një ushtri shumë më numerike, por me betimin e tij solemn para kombit të tij dhe Europës, ai doli fitimtar.
Më vonë, në kulmin e Luftës së Ftohtë, Ronald Raegan, do të thërriste tek porta e Brandenburgurt ‘Mr.Gorbaçhev tear doën this ëall’, dhe muri ra dhe perdja e hekurt ra. Dhe çështja gjermane, siç u shpreh ai, iu shtua lirisë botërore, ishte një fitore e madhe e lirisë. Unë do them e kësaj rëndësie epokale është deklarata e Presidentit Donald Trump, se armiku më i rrezikshëm i yni, është armiku i brendshëm. Për ne që kemi jetuar diktaturat, tingëlloi diçka e vjetër, por nuk ka të vërtetë më të madhe dhe më të guximshme. Para kësaj, Gorbaçov ka meritën e jashtëzakonshme kur deklaroi se: Rusia u bë vendi i askujt në një kohë kur partia komuniste në Bashkimin Sovjetik ishte mamuthi gjigant politik i të gjitha kohërave, por ajo nuk i përkiste as partisë dhe as popullit rus, dhe BS u shpërbë," tha Berisha.
