Burime mediatike se asnjë nga tre të plagosurit nuk ka qenë objektiv i atentatit mbrëmë në Elbasan, por një person tjet&e...
POLITIKE
"Veliaj i burgosur në një sektor me Beqajn, Bllakon dhe Çyrben"/ Gazetarja Lala: Ja pse kryebashkiaku i Tiranës u dërgua në Durrës
b.zPërditësimi i fundit 15 Shkurt 2025, 19:15
Klodiana Lala
TIRANË - Gazetarja Klodiana Lala, ka deklaruar se kryetari i bashkisë së Tiranës, Erion Veliaj është në të njëjtin sektor në burgun e Durrësit enkas për zyrtarë si ish-ministri Ilir Beqaj, Alqi Bllako dhe Jurgis Çyrbja.
E ftuar në ‘Kjo Javë” në News24, ajo ka zbuluar edhe arsyen se përse Veliaj është dërguar në Durrës dhe jo tek 313-a në Tiranë. Lala thotë se Veliaj është një zyrtar i lartë dhe nuk ka rrezik arratisje.
Ajo thotë se kur u dha masa e arrestit me burg për Veliajn, të burgosurit lëshuan akuza të forta ndaj tij dhe kjo është parë mesa duket si mundësi për incidente dhe element rrisku.
“Vendimin e merr Drejtoria e Përgjithshme e Burgjeve që bën një vlerësim të rrezikshmërisë. Veliaj është një zyrtar i lartë nuk ka rrezik arratisje. Në momentin kur u dha masa të arrestit me burg për Vleiajn, të burgosurit lëshuan akuza të forta ndaj tij dhe kjo është parë mesa duket si mundësi për incidente dhe element rrisku. Për shkak se Veliaj ka adresën e banimit në Tiranë, më afër është Durrësi. Beqaj, Çyrbja, Bllako, Veliaj, që janë në të njëjtin sektor, i ndan vetëm një mur, mund të komunikojnë me njëri tjetrin. Është një sektor i bërë enkas për zyrtarë”, tha ajo.
