Arrestimi i Veliajt jehonë në mediat e huaja/ "Washington Post": Kryebashkiaku i Tiranës akuzohet për korrupsion me fondet publike!

Erion Veliaj

TIRANË - Arrestimi i Kryebashkiakut Erion Veliaj, ka bërë jehonë edhe në mediat e huaja. Gazeta amerikane "Washington Post" i ka kushtuar një artikull kësaj çështje së fundmi. 

Gazeta shkruan se Erion Veliaj akuzohet për korrupsion me fondet publike, duke u dhënë fonde publike bizneseve, të cilat në këmbim i jepnin familjes së tij fitime të paligjshme.

“Një gjykatë shqiptare urdhëroi të hënën arrestimin e kryebashkiakut të kryeqytetit pasi e akuzon atë dhe të tjerët për korrupsion me vlerë miliona dollarësh që përfshin fondet publike. Përpjekjet për të kontaktuar me kryebashkiakun Erion Veliaj nuk patën sukses menjëherë. Gjykata Speciale për Korrupsion dhe Krim të Organizuar trajton rastet që përfshijnë zyrtarë të lartë dhe politikanë.

Gjykata duhet të vendosë brenda 48 orëve nëse kryetari i bashkisë dhe të tjerët duhet të qëndrojnë në paraburgim, ndërkohë që hetimet përpara çdo akuze zyrtare vazhdojnë.

Veliaj akuzohet për korrupsion që përfshin të paktën 1.1 milionë euro (1.13 milionë dollarë) fonde publike duke u dhënë fonde publike bizneseve, të cilat në këmbim i jepnin familjes së tij fitime të paligjshme.

Veliaj, në mandatin e tij të tretë si kryetar bashkie, ka shërbyer edhe si ministër në kabinetin e kryeministrit Edi Rama. Ai është anëtar i Partisë Socialiste në pushtet,” shkruan gazeta.

Erion Veliaj u arrestua mesditën e kësaj të hëne me kërkesë të Prokurorisë së Posaçme SPAK. SPAK në një deklaratë zyrtare komunikoi edhe akuzat që rëndojnë ndaj Veliajt. Porkuroria e Posaçme caktoi "Arrest me burg për Veliajn për akuzat “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim (9 herë) dhe “Pastrimi i produkteve të veprës penale ose veprimtarisë kriminale”. Ndërsa bashkëshortja e tij Ajola Xoxa u la në "Arrest shtëpie".

erion veliaj arrestim spak