Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Artan Hoxha deklaratë të fortë: Trekëndëshi i drogës komandon qeverinë. Policia e Shtetit tani është ‘pronë’ e Ramës
PiranjatPërditësimi i fundit 11 Shtator 2025, 22:32
Gazetari Artan Hoxha ka lëshuar deklarata të forta ku ka akuzuar drejtpërdrejt se qeveria e re është e lidhur ngushtë me struktura kriminale dhe se kontrolli mbi institucionet shtetërore është përqendruar plotësisht në duart e Edi Ramës.
‘Atributet si kryeplak, si shefi i zjarrfikësve, drejtori i ujësjellësve, si drejtori i pyjores i kishte marrë që më përpara kompetencat. Sot mori dhe kompetencat e të gjithë ministrive’, deklaroi Hoxha, duke folur për përqendrimit të pushtetit tek Rama. Gjatë bisedës, Hoxha theksoi se nuk ishte i befasuar nga zhvillimet e fundit politike. Një nga akuzat më të rënda të gazetarit të njohur ishte ajo për ‘operatorin kombëtar të narkotikëve’, të cilin e lidh me trekëndëshin Tiranë-Durrës-Elbasan.
‘Mbrëmë përmenda një nga operatorët e parë që është krijuar, para se të vinim në këtë situatën e operatorit kombëtar të ujit, apo të mbetjeve, operatori kombëtar i krijuar në vend, është ai i narkotikëve. Ai trekëndëshi që të thashë, Tiranë-Durrës-Elbasan, pra sot në Shqipëri kemi një operator kombëtar dhe ata janë një nga mbështetësit, financuesit, bashkëpunuesit kryesor të kësaj qeverie që pamë sot’, deklaroi Hoxha.
Duke komentuar ndryshimet në kabinetin qeveritar, ai sugjeroi se emrat e rinj janë pjesë e një marrëveshjeje për të ruajtur ekuilibrat dhe kontrollin mbi pushtetin.
‘Emrat që janë futur në qeveri, janë pjesë e një marrëveshje qoftë dhe në distancë që është bërë për të vazhduar’, tha Hoxha.
Ai vuri në dukje se një nga zhvillimet më të rrezikshme është kalimi i kontrollit të plotë të Policisë së Shtetit tek Kryeministri.
‘Tërhiqte vëmendjen tjetër, fakti se tani Policia e Shtetit do të jetë atribut direkt i kryeministrit. Nëse deri dje ai maskohej se, ishte ministrit dhe e bënin ata pa dijeninë e tij, sot ai caktoi dhe ministren e re dhe i tregoi dhe kufijtë deri ku e ka ajo’, u shpreh gazetari.
Në fund, Hoxha komentoi edhe pozicionin e kryetarit të Bashkisë së Tiranës, Erion Veliaj, për të cilin tha se Rama ka ‘çmontuar’ politikisht të gjithë strukturën e tij.
‘Elementi tjetër që nuk duhet harruar se, nëse Veliajt ja bëri funeralin në sheshin Skëndërbej, sot i hoqi dhe afishen që njoftonte vdekjen e tij politike dhe e bëri pasi e çmontoi të gjithë strukturën e atij’, tha Artan Hoxha gjatë debatit në ‘Çim Peka LIVE’ në SYRI TV.
