Kristjan Asllani është rikthyer me Interin për fazën përgatitore në Gjermani, por e ardhmja e mesfushorit shqiptar te klubi zika...
POLITIKE
“Balluku kërcënon me një grup të fuqishëm kriminal Ramën”, Bardhi analizon kabintetin e ri: Një strukturë e kapur nga krimi i organizuar dhe Soros
PiranjatPërditësimi i fundit 11 Shtator 2025, 21:30
Kryetari i grupit parlamentar të Partisë Demokratike, Gazment Bardhi, ka komentuar kabinetin e ri të qeverisë “Rama 4”, duke e cilësuar atë si një strukturë të kapur nga krimi i organizuar dhe e influencuar drejtpërdrejt nga rrjeti ndërkombëtar i George Soros.
I ftuar në emisionin “Çim Peka Live” në Syri TV, Bardhi tha se Belinda Balluku mban nën presion të vazhdueshëm vetë kryeministrin Edi Rama dhe Prokurorinë e Posaçme, përmes një grupi të fuqishëm kriminal që e mbështet.
Bardhi paralajmëroi gjithashtu për një forcim të dukshëm të ndikimit të George Soros në përbërjen e re të kabinetit.
Gazment Bardhi: Shikon një shtim të mbrojtjes ndaj Belinda Ballukut dhe grupit e klanit të saj kriminal që e mbështet dhe u provua edhe ajo që qarkun në fakt edhe në Tiranë, që Belinda Balluku e mban nën presion dhe e kërcënon me një grup të fuqishëm kriminal kryeministrin e vendit, ashtu siç kërcënon edhe Prokurorinë e Posaçme që nuk guxon ta marrë të pandehur edhe pse i ka dosjet palë-palë në SPAK.
Së dyti, anonim të emëruar pa asnjë background nga vinë e pse duhet të jenë aty në qeverisjen e vendit, duke konfirmuar nga i pari deri tek i fundit ministër, kryeministër, drejtor, kryebashkiak...pra çdo pushtet në këtë vend e ka një individ, që është Edi Rama.
E pritshme, prandaj dhe e nisëm me buzëqeshje. Ju e parashikuat dje që do të ishte kabineti Edi Rama nga fillimi deri në fund. Asnjëri që ti thotë duhet të shkëputësh lidhjet me krimin, përkundrazi ka njerëz të krimit aty. Shikoni ministrin e Brendshëm që nuk ka lidhje me ministrinë e brendshme. Është fakt i njohur botërish që deri më sot, Policinë e Shtetit që është edhe funksioni kryesor, sot ai e shpalli më të parëndësishëm.
Sigurinë e jetës, shëndetit, pronës së qytetarëve që është detyrë e Policisë së Shtetit, tha që nuk është ajo detyra kryesore e Ministrisë së brendshme, sepse në fakt nuk ka qenë ajo gjatë gjithë kësaj kohe.
Policinë e Shtetit e ka drejtuar gruëi kriminal i Elbasanit, Suel Çela, përmes drejtorit të Përgjithshëm të Policisë dhe sot me emërimin e ministres në fakt nuk tha asgjë tjetër, i tha ‘zonjë, ti nuk do meresh me Ilir Prodën’. Është fakt i njohur botërisht që ministri i Brendshëm kishte një marrëdhënie të tensionuar me drejtorin e policisë. Ai e la pa ministër.
Ka një forcim të lobit George Soros në qeverinë ‘Rama 4’. Ne e dimë që një nga njerëzit që ka mbështetur më shumë Soros në Shqipëri përveç Ramës ka qenë Erion Veliaj. Me sa duket ka dashur ti japë mesazhin, që shitja e Erion Velisë nuk nënkupton uljen e influencës të George Soros tek Edi Rama dhe qeverisja e tij në Tiranë. Dhe kjo është arsyeja që kanë një numër të konsiderueshëm, jo dy por më shumë, të lidhur me rrjetin e George Soros në Tiranë.
