Ditën e Hënë vendi ynë parashikohet të ndikohe nga kushte atmosferike të qëndrueshme.
Moti parashikohet i kthjellët p...
POLITIKE
"As faturino nuk e vë atë! Mos e harxhoni votën!" Rama vijon sulmet ndaj opozitës: Eno Bozdo, qyp arkeologjik!
M.B.Përditësimi i fundit 23 Prill 2025, 20:23
BERAT- Kreyministri Edi Rama, gjatë turit të tij elektoral, u ndal mbrëmjen e së mërkurës në Berat, ku zhvilloi një takim me gratë dhe vajzat e këtij qarku. Rama ka irnozuar listën e kandidatëve për deputetë të PD-së, duke thënë se janë njerëz që askush nuk i njeh. Ai e cilësoi drejtuesin politik të PD-së në këtë qark, Eno Bozdon, duke thënë se është “qyp arkeologjik” dhe se as faturino nuk do ta vendoste.
“Je me kënetën. Ke një votë. Për çfarë do ta harxhosh. Se ke mall për bufin kur akoma nuk kishte rrjedhur. Apo do ta investosh që ajo që ti do të bësh të ketë një shans më shumë dhe Shqipëria do të jetë shumë më tepër mundësi për të ndihmuar ty? Për çfarë?
Për të çuar deputetë në parlament këta që un as nuk i njoh. Një Eno Eno. Një vazo arkeologjike që nuk e di nga e kanë sjellë. As vazo jo. Qyp arkeologjik, Eno. Pa asnjë vlerë. Zero. Fatorino nuk e vë atë. E kanë sjellë këtu drejtues. E për çfarë për Enon.
Unë them që këtu të gjithë duhet ta mendojnë sepse është përgjegjësi e madhe në këto zgjedhje. Nuk është për mua, sepse aq vota ne i kemi. Problemi është që t’i japim Shqipërisë një fuqi vendimmarrëse. Të mos trallisemi me Enot dhe enët e arkeologjisë politike”, tha Rama.
