Protestat në Tiranë vijojnë me përplasje mes demonstruesve dhe policisë së rendit, shkruan BBC. Nxënësit e shkollave t...
POLITIKE
"Askush nuk dha llogari për fondet e hedhura kot!" Situata në Parkun e Divjakës, ish-drejtori-Braçes: Idea e hapjes se shtratit të vjetër të Shkumbinit, groposje e parave publike
M.B.Përditësimi i fundit 25 Gusht 2024, 21:45
Divjaka
DIVJAKA- Ish-Drejtori i Parkut të Divjakës, Ardian Koci i është përgjigjur me anë të një postimi në Facebook, shqetësimit që ngriti një ditë më parë deputeti socialist Erion Braçe lidhur me tharjen e lagunës dhe ndryshimin e shtratit dhe grykëdedhjes së lumit Shkumbin duke i cilësuar këto si dramë ekologjik e Divjakës.
Nga ana e tij, Koci është përgjigjur duke thënë se në vitin 2014 me shumë bujë u trumbetua hapja e kanalit verior dhe ai personalisht ishte kundër, jo për hapjen, siç shkruan, por për zgjidhjen e paqëndrueshme të problemit.
Koci ka shtuar se iu hodhën në fyt atë kohë duke i thënë që s'merr vesh. Ai i drejtohet Braçes duke i thënë se "kishe të drejtë se unë kisha gabuar në kohë". Koci tregon se gryka u mbyll për disa orë dhe askush nuk dha llogari për ato fonde publike të hedhura kot.
Reagimi i Kocit vijon teksa shkruan se për ndërrimin e grykederdhjes së lumit Shkumbin, që gjoja, shkruan ai, e kanë bllokuar banorët e Vilës duke i ndërruar rrjedhën, janë të pavërteta. Koci shkruan se dihet që lumenjtë kur ka vërshime të mëdha gjejnë rrugën alternative dhe ai aty ka gjetur rrugën më të shkurter për në det. Në sqarimin e tij, ai ka shtuar se idea e hapjes se shtratit të vjetë shërben vetëm të groposë para publike.
Postimi:
Pergjigje deputetit Brace. Nje problem i njohur prej disa dekadash.Per kete aresye përpara '90 ndermarrja e bonifikimit neper keto gryka mbante draga.Nuk është nje problem qe u zbulua sot,por sot na duhen ca pará .Ne 2014 me shume bujë u trumbetua hapja e kanalit verior.Une personalisht isha kunder,jo per hapjen,por per zgjidhjen e paqendrueshme te problemit.Me kujtohet qe ate kohe ju paralajmerova, qe gryka e kanalit do mbyllet per nje jave.Mu hodhet ne fyt duke me thënë qe ti s'merr vesh.Kishe te drejte se unë kisha gabuar ne kohe. Gryka u mbyll per disa ore.Askush nuk dha llogari per ato fonde publike te hedhura kot.
Eshte kollaj te kerkosh para.Sigurisht qe ajo duhet hapur.por përpara se te kerkosh fonde duhet te jesh i bindur mbi efikasitetin e nderhyrjes.Ka studime se si mund te mbahen grykat hapur.Me i fundit është ai i specialisteve japonezë.Konkluzionet e punes se tyre kanë nje vit qe flenë ne raftet e ministrise se mjedisit.Nje vit nuk eshte shume,por kam frikë se do kalojne vite dhe ashtu do i mbuloje harresa. Asnje nuk u referohet atyre,por degjoni opinione te njerezve diletantë,qe kane deshtuar ne mbajtjen hapur te rrugeve te komunikimit.Sa per institucionet qe nuk kane punuar,kam qene unë qe kur konturohej projekti japonez dhe specialistet japonez nuk dinin akoma se ne c'fushe do aplikohej ky projekt,me kerkesen time u vendos si prioritet rivitalizimi i lagunes se Karavastasë,si nje ekosistem kompleks.Ky proces perfshinte jo vetem hapjen e grykave,por edhe futjen e ujit te embel ne lagune.Keto jane te protokolluara.
Ndersa sa per ndërrimin e grykederdhjes se lumit Shkumbin,qe gjoja e kanë bllokuar banoret e Viles duke I nderruar rrjedhen,po jua them qe jane vetem llogje Divjake.Dihet qe lumenjte kur ka vershime te medha gjejne rruge alternative dhe ai aty ka gjetur rrugen me te shkurter per ne det.Idea e hapjes se shtratit te vjeter,qe une e degjoj prej disa vitesh, eshte nje gomarllik,qe sherben vetem te groposë para publike. E ndjej si detyrim t'ju them,mjaft më eksperimente me natyren!Ajo është shumë më e aftë se njeriu të vetrregullohet.Do më pelqente që per këtë dukuri të natyres dhe nderhyrjen qe propozoni te shprehen specialiste te fushes dhe jo ata që per zanat kanë lajkat.
