Asnjë grua drejtuese politike qarku, Bardhi: Zonjat në PD nuk janë fasadë për të mbuluar ato që bëjnë fushatën

gazment bardhi

TIRANË- Kreu i Grupit Parlamentar të Partisë Demokratike, Gazment Bardhi ka folur lidhur me drejtuesit politikë të 12 qarqeve. 

I ftuar në "Çim Peka Live", Bardhi u pyet lidhur me mungesën e një gruaje në 12 emrat e drejtuesve politikë. Ai u shpreh se e njëjta situatë ka ndodhur edhe në 2021, me përjashtim sipas tij të Tiranës.

Bardhi u shpreh se zonjat në PD nuk janë fasadë e atyre që realisht bëjnë fushatën. Ai mori si shembull Elisa Spiropalin si drejtuese e PS në Shkodër, për të cilën tha se punën ia bënin bandat kriminale.

"E njëjta kritikë është bërë edhe në 2021 me përjashtim të Tiranës, e cila ishte e ndarë në disa zona dhe kishte disa drejtues politike. Edhe asokohe nuk kishte zonja në drejtim dhe arsyeja themelore është që ne zonjat në PD nuk i kemi si fasadë për të mbuluar atë që realisht bëjnë fushatën. Zonja Spiropali në Shkodër, ishte vetëm si emër i shpallur sepse fushatën  siç tregojnë përgjimet e grupeve kriminale, drejtues në qarkun e Shkodrës ishin Bajrat dhe Pëllumb Gjoka. Dhe PD nuk ak nevojë të caktojë zonjat dhe pastaj të përdorë bandat.", u shpreh Bardhi. 

gazment bardhi