Gazetari Osman Stafa ka publikuar pamjet nga kamera e sigurisë së një prej bizneseve në zonën e Medresesë, aty ku më herë...
POLITIKE
Avokati i Metës: Sot gjykata matet me standarde kanë ose jo dashnore, jo kur gjyqtari jep ose s'jep drejtësi
PiranjatPërditësimi i fundit 22 Tetor 2025, 16:23
Ish-presidenti Ilir Meta ka humbur nje tjeter beteje me drejtësinë pasi gjykata e posaçme vendosi rrezimin e një tjetër kërkese atë të shuarjes se masës së sigurisë.
Sipas avokatit Kujtim Cakrani kërkesa e ish-presidentit është mëse e drejtë pasi janë shkelur afatet e paraburgimit. Por pavarësisht dështimit në shakallën e parë, këtë të enjte apeli do të shqyrtojë një tjetër kërkesë të Metës, për revokimin ose zbutjen e masës së sigurisë me gjykatëse në këtë çështje do të jetë Saida Dollani.
“Nuk ka rrezik që Meta të prishë provat, apo të ketë dëshmitar. Kjo është një situatë shumë e rëndë. Prezumimi i pafajësisë nuk ekziston më në këtë vend. Kjo është kambanë alarmi. Ne na duhen gjyqtarë që të bëjnë drejtësi në këtë vend. Se di me ça standardi i masin këta gjyqtarët që janë të ndershëm apo jo. I masin me standardin që nuk vjedhin, nuk kanë dashnore, nuk kanë…gjyqtari matet me standardin; jep apo s’jep drejtësi! Ne këtë vend nuk ekzistojnë më gjykata që japin pafajësi, por toga pushkatimi”, tha ai.
Aktualisht dosja ndaj Metës ndodhet në senacë paraprake pasi spak e ka marrë të pandehur për 3 vepra penale “korrupsion pasiv”, “pastrim parash” dhe “fshehje të pasurisë”.
Në akuzë është edhe Monika Kryemadhi përballet me të njëjtat akuza. Para drejtësisë është dhe Pirro Xhixho akuzohet për korrupsion pasiv të funksionarëve të lartë të kryer në bashkëpunim, Fatime Kryemadhi akuzohet për pastrim parash, dhe Ema Coku.
