Një aksident me tre automjete është regjistruar në Lushnjë, në rrugën që të çon drejt stadiumit, pranë...
POLITIKE
Balliu: Bashkia e Tiranës e drejtuar nga Erion Veliaj, plot 788 milion lekë borxhe si rrjedhojë e abuzimeve dhe keqmenaxhimit
n.fPërditësimi i fundit 7 Gusht 2024, 14:08
Balliu
TIRANË- Koordinatori rajonal i Tiranës në PD, Klevis Balliu ka mbajtur ditën e sotme një deklaratë para mediave/ Gjatë fjalës së tij Balliu u shpreh se Bashkia e Tiranës, përveç borxheve që u ka qytetarëve, të cilëve u ka shtuar trafikun, u ka ndotur ajrin, u ka ulur gjelbërimin, u ka rritur kullat dhe betonin është borxhlije e keqe edhe me institucionet shtetërore.
Ai më tej shtoi se borxhi është prej plot 788 milion lekë ndërsa shtoi se kjo ka ardhur si rrjedhojë e abuzimeve dhe keqmenaxhimit nga bashkia e Veliajt. Balliu shtoi se sipas kategorive, peshën më të madhe të stokut të detyrimeve e zë kategoria ‘Investime’ me 47%, ndjekur nga ‘Të tjera’ 25%, ‘Shërbime’ 11%, dhe ‘Vendime Gjyqësore’ 9%.
Ai theksoi se Partia Demokratike prej vitesh ka denoncuar sistematikisht vjedhjet dhe abuzimet sistematike të Erion Veliajt me taksat e qytetareve të Tiranës, dhe pavarësisht maleve me prova për korrupsionin e tij, drejtësia nuk reagon.
Deklarata e plotë e Klevis Balliut:
Përshëndetje! Bashkia e Tiranës, përveç borxheve që u ka qytetarëve, të cilëve u ka shtuar trafikun, u ka ndotur ajrin, u ka ulur gjelbërimin, u ka rritur kullat dhe betonin është borxhlije e keqe edhe me institucionet shtetërore. Plot 788 milion lekë borxhe ka bashkia e Erion Veliajt si rrjedhojë e abuzimeve dhe keqmenaxhimit.
Sipas kategorive, peshën më të madhe të stokut të detyrimeve e zë kategoria ‘Investime’ me 47%, ndjekur nga ‘Të tjera’ 25%, ‘Shërbime’ 11%, dhe ‘Vendime Gjyqësore’ 9%. Partia Demokratike prej vitesh ka denoncuar sistematikisht vjedhjet dhe abuzimet sistematike të Erion Veliajt me taksat e qytetareve të Tiranës, dhe pavarësisht maleve me prova për korrupsionin e tij, drejtësia nuk reagon.
Si rrjedhojë Bashkia e Tiranës, jo vetëm nuk i përgjigjet problemeve të qytetarëve, por nën drejtimin e Veliajt në këto 9 vite thyen rekorde në borxhe ndaj palëve të treta, më shume se çdo bashki tjetër. Disa milionë i ka për vendime gjyqësore, gjyqe të humbura me punonjës të shkarkuar padrejtësisht nga puna, apo padrejtësi të tjera ndaj qytetarëve të Tiranës.
Kur e dëgjoni lali Erin të predikojë si pastor, mos e besoni, poshtë fjalëve është fakti se ai as detyrimet e institucionit të vet nuk i shlyen. Ndërkohë që u merr shpirtin qytetarëve dhe u bllokon llogaritë, nëse nuk paguajnë taksat bashkiake, për vete grumbullon qindra miliona ta papaguara. Atij nuk i bie kush në qafë sepse prokurorët e SPAK i ka kolegë.
Ndërkohë, borxhi i bashkisë mund të shlyhet fare lehtë: Të ndalohen pagesat e inceneratorëve, 80 mijë euro në ditë! Të ndalohen abuzimet! Të ndalohet luksi!
Të mos shkarkohen punonjës padrejtësisht nga puna! Te nderuar qytetare: Qëndresa ndaj e keqes është një detyrim. Përballja me korrupsionin dhe abuzimet është jetike për ti vënë para përgjegjësisë shkelësit dhe përmirësuar gjendjen qytetit dhe mirëqenien çdo qytetari.
Prej 5 muajsh opozita dhe shoqëria civile janë në protesta-zinxhir kundër vjedhjeve në Bashkinë e Tiranës. Ju ftojmë të bashkohemi me ne proteste, nesër ne oren 11:00, tek bashkia e Tiranes për të shpëtuar qytetin nga pronari faktik i inceneratorit dhe shefi i organizatës kriminale 5D!
