Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
POLITIKE
Balluku nën hetim/ Bardhi: Vodhi 50 milionë euro te Tuneli i Llogarasë! Të shkarkohet
PiranjatPërditësimi i fundit 31 Tetor 2025, 19:46
Kreu i grupit parlamentar të PD, Gazment Bardhi, ka reaguar pas marrjes zyrtare si të pandehur nga SPAK të zëvendëskryeministres dhe ministres së Infrastrukturës dhe Energjisë, Belinda Balluku, për aferën e Tunelit të Llogarasë. Bardhi deklaron se ky zhvillim “e ka nxjerrë lakuriq Edi Ramën si mbrojtës dhe garant të korrupsionit në qeveri”, duke e akuzuar kryeministrin se flet për drejtësi, por mbron zyrtarë të akuzuar për vjedhje fondesh publike.
Sipas tij, në çdo vend normal, një zyrtare e tillë do të ishte shkarkuar menjëherë, por “vetëm në Shqipërinë e Edi Ramës, një e pandehur për një dëm prej 50 milionë eurosh ndaj shtetit, vazhdon të qëndrojë në pushtet dhe të menaxhojë fonde publike qindra milionëshe.”
Bardhi shtoi se duke e mbajtur në detyrë Ballukun, kryeministri pengon drejtësinë dhe krijon rrezik për manipulim ose zhdukje provash, duke theksuar se “në krye të çdo afere të madhe korruptive është vetë Edi Rama.”
Bardhi paralajmëroi se opozita do të kërkojë pezullimin e menjëhershëm të Belinda Ballukut nga çdo detyrë publike, për të garantuar që hetimet të vijojnë pa ndërhyrje politike.
