Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
POLITIKE
Balluku nën hetim nga SPAK, por ndryshe nga Veliaj dhe ish-ministrat e tjerë, shmang sulmet ndaj drejtësisë
PiranjatPërditësimi i fundit 19 Nëntor 2025, 13:59
Zëvendëskryeministrja Belinda Balluku u shfaq sot në Kuvend me një ton të matur dhe të distancuar nga retorika mbrojtëse apo agresive që kanë përdorur figura të tjera të Partisë Socialiste të përfshira në hetime nga SPAK. Në ndryshim nga kryebashkiaku Erion Veliaj dhe disa ish-ministra të akuzuar më parë, Balluku shmangu sulmet ndaj prokurorisë dhe nuk vuri në dyshim legjitimitetin e drejtësisë. Në pamje të parë, një qëndrim që lë të kuptohet se ajo ishte e vetëdijshme se një ditë do të përballej me SPAK.
Gjatë fjalës së saj, ajo e pranoi se situata ka pasur ndikim personal, por theksoi se nuk do ta përdorë atë si justifikim për të sulmuar reformën në drejtësi.
Balluku theksoi se Partia Socialiste dhe kryeministri Rama kanë qenë nxitësit kryesorë të kësaj reforme dhe se mbështetja ndaj saj mbetet e palëkundur, pavarësisht goditjeve ndaj individëve të mazhorancës.
Në një kohë kur disa zyrtarë të lartë kanë zgjedhur të përplasen me organet e drejtësisë, qëndrimi i Ballukut u dallua për ftohtësinë me të cilën ajo e trajtoi situatën. E pritshme prej saj!
