Ministria e Mbrojtjes informon se gjatë 24 orëve të fundit (nga ora 09:00 e datës 8 shtator deri në orën 09:00 të datë...
POLITIKE
Bardhi: Kjo është e vetmja qeveri në Europë që ka abuzuar me miliona euro!
PiranjatPërditësimi i fundit 19 Nëntor 2025, 12:05
Kryetari i Grupit Parlamentar të PD, Gazment Bardhi në fjalën e tij në Parlament nuk la pa përmendur edhe akuzat për Belinda Ballukun, e cila tashmë është zyrtarisht e pandehur nga SPAK për aferën e tunelit të Llogarasë. Bardhi solli në vëmendje edhe deklaratën e Komisioneres Marta Kos, që siç tha demokrati ajo tha “shyqyr që u zbulua dhe të marrë ndëshkimin sipas ligjit”.
Gazment Bardhi deklaroi se “qeveria shqiptare është e vetmja qeveri në rajon dhe ky është i vetmi kryeministër në rajon dhe Evropë që ka zv kryeministre nje të pandehur për abuzim me miliona euro”.
Bardhi:Në 31 minua të fjalës së avokatit të inceneratorëve dhe të tunelit të Llogarsë, 15 minuta ia dedikoj mbrojtjes sesi ne nuk duhet të bëjmë prokurorinë ndaj Belinda Ballukut. Ne nuk bëmë prokurorinë, por sollëm në vëmendje se çfarë ka thënë prokuroria.
Ne cituam prokurorinë. Zonja është marrë e pandehur dhe ky është fakt publik, por ty çfarë të detyron të vish në foltore dhe të bësh avokatin e një të pandehure për abuzim me fonde publike në vlerën e 50 mln eurove. Shqiptarët presin që ti të bësh avokatin e tyre, ti zgjidhesh hallet dhe shqetësimet e tyre.
Ne përbuzim modelin juaj që në vend që ti çoni paratë tek pensionistët, i çoni tek ministrat tuaj. I çojnë paratë në xhepat e zonjës që Rama ka në krah. Kjo duhet të përbuzet.
Nuk mund të ndodhë që 800 mln euro ne tia besojmë një personi që është provuar dhe sic tha dje, meqë i referoheni komisioneres së zgjerimit, “shyqyr zotit” tha që u zbulua dhe të marrë ndëshkimin sipas ligjit.
Sot qeveria shqiptare është e vetmja qeveri në rajon dhe ky është i vetmi kryeministër në rajon dhe Evropë që ka zv kryeministre nje të pandehur për abuzim me miliona euro.
Kujtojmë që nje ditë më parë komisionerja tha në një intervistë për DW se “ky është një hap përpara, sepse këto raste janë zbuluar.
Siç e përmenda më herët, kemi raste korrupsioni edhe brenda BE-së. Ato ndodhin kudo. E rëndësishme është të kemi institucione, vendet kandidate i kanë institucioni për t’i luftuar këto raste. Më pas do të jetë sistemi gjyqësor ose gjykatat që do të zbulojnë nëse ligji është shkelur dhe nëse është shkelur, se çfarë do të ndodhë më pas”.
