Bardhi: Do të vijohet me aksionin opozitar brenda seancës plenare, në Kuvend do të jenë vetëm deputetët e papërjashtuar

gazment bardhi

TIRANË- Kreu i Grupit Parlamentar të PD-së, Gazment Bardhi ka folur për mediat pas mbledhjes me deputetët e PD-së. Bardhi tha se dy çështjet kryesore në diskutimin e mbledhjes së grupit ishin protesta që do të mbahet nesër dhe aksioni opozitar në Kuvend. 

Bardhi bëri me dije se në seancë plenare do të marrin pjesë vetëm deputetët që nuk janë përjashtuar, ndërsa ato të përjashtuarit do të vijojnë takimet me strukturat e partisë lidhur me detajet e protestës së nesërme. 

"PD ka njoftuar protestën e radhës në kuadër të mosbindjes civile dhe sjelljen që kolegët do të bëjnë për mos vijuar zhvillimin normal të seancës së sotme.  Këto ishin dy çështjet kryesore në takim. Deputetet e përjashtuar do të jenë të shpërndare në degët perkatëse lidhur me protestën. Siç kemi thënë do ketë një alternim të aksionit të opozitës.  Deputetët e përjashtuar janë më të vlefshëm pranë strukturave të partisë për protestën e ditës së nesërme. Do të vijohet me aksionin opozitar brenda sallës së Kuvendit. Nuk është zgjedhje e PD por e kundërshtarit tonë politik.", tha Bardhi. 

gazment bardhi