Beqaj pas hekurave për abuzim me fondet! Drejtuesja e SASPAC në Komisionin për Integrimin: Masat për sigurinë e tyre do të merren në përfundim të hetimeve

Drejtuesja e SASPAC dhe Ilir Beqaj

TIRANA- Drejtuesja aktuale e SASPAC Jona Suli, u pyet nga deputetët në Komisionin për Integrimin, se çfarë masash janë marrë që fondet e BE-së të mos shpërdorohen siç hetimet e SPAK zbuluan se ka ndodhur nën drejtimin e ish-ministrit të shëndetësisë. Lidhur me këtë Suli tha se masat do të merren në përfundim të hetimeve, nëse ka nevojë që strukturat të ndryshojnë. Ajo tha se ata funksionojnë në bazë të rregullave të Bashkimit Evropian.

Pjesë nga diskutimi në Komision:

“Çfarë masash po merren që ne të jemi të sigurt që fondet që miraton ky parlament nuk do të jenë pjesë e abuzimeve skemave korruptive”, pyet Tabaku.

“Ajo është një çështje në hetim duhet të presim”, tha drejtuesja e SASPAC.

“Po çfarë masash keni marrë ju?”, pyet Tabaku.

“Masat do të merren në përfundim të hetimeve, nëse ka nevojë që strukturat të ndryshojnë sepse ne funksionojmë në bazë të rregullave të bashkimit Evropian”, përgjigjet Sula.

“Vetë sistemi i drejtorisë së SASPAC çfarë masash ka marrë që të garantojë që këto elementë që mund të lidhen me keq menaxhim të fondeve në koordinim të mos ndodhin më”, pyet Etilda Gjonaj.

“Po përgatisim një instrument vlerësimi drejt treguesve sasiorë për projektet. Po punojmë për të krijuar web-in e agjencisë dhe jemi në bashkëpunim me delegacionit të BE për këtë, për të garantuar transparencë”, tha drejtoresha Suli.

ilir beqaj