Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
POLITIKE
"Nuk ka patur asnjë urdhër për 21 janarin", Berisha del nga SPAK: Rama për pushtet, organizoi një nga protestat më të dhunshme!
PiranjatPërditësimi i fundit 19 Nëntor 2025, 11:09
Kreu i PD Sali Beisha ka dalë nga SPAK ku është pyetur në lidhje me 21 janarin. Berisha ka nënvizuar se nuk ka ekzistuar asnjë urdhër i paligjshëm në lidhje me atë ditë.
Në deklaratën e tij për mediat jashtë SPAK Berisha sqaroi se: "Rama për epshet e pushtetit të tij organizoi një nga protestat më të dhunshme. Ndërkombëtarët dhe SHAB kanë deklaruar se më 21 janar PS kishte axhendë dhune. Kjo u bë shkak që të mos thirrem unë për t’u pyetur për një ngjarje dramatik me 4 viktima dhe 120 policë ptë plagosur.
Më është pyetur se çfarë ndodhi me 21 janarin. Kjo mos-thirrje për kaq vite flet më shumë se çdo gjë tjetër. Arsyeja ishte se Edi Rama organizoi protestën më të dhunshme, me një agjendë të qartë dhune. Kjo deklaratë ka qenë shkak që të mos thirresha unë për një ngjarje dramatike që i mori jetën katër demonstruesve dhe plagosi më shumë se 100 efektivë. Nuk është qëlluar nga brenda Kryeministrisë"
Ai shtoi se procedura e marrjes në pyetje është normale dhe zakonisht diskrete, por akuzoi kreun e SPAK, Altin Dumani, për publikimin e thirrjes në media.
“Të thërret dhe shkon, kjo është procedurë normale. Por Altin Dumani e shpërndau thirrjen te mediat para meje. Një procedurë që duhet të jetë krejtësisht diskrete dhe pa lidhje me mediat. Ai e bëri publike për leverdi të Ballukut dhe ‘Ramaduros’, që njerëzit të mos shihnin skandalin e Llogarasë, por të merreshin me faktin që Sali Berisha dëshmon për 21 janarin pas 13 vitesh, për një ngjarje ku unë isha i rrethuar dhe më goditeshin dritaret e Kryeministrisë me gurë”, u shpreh Berisha.
