Situata e zjarreve në vend vijon të jetë problematike, me 27 vatra të raportuara gjatë 24 orëve të fundit.
Tre vatra mbete...
POLITIKE
Berisha fton qytetarët në protestë të martën: Erion Veliaj, jep dorëheqjen se gjyqi që të bëri sot kryepadrinoja në shpellën e mafies është lule me atë që do të të bëjmë ne
E.DPërditësimi i fundit 7 Maj 2024, 21:00
sali berisha
TIRANË- Kreu i Partisë Demokratike Sali Berisha gjatë fjalës së tij mbrëmjen e sotme u bëri thirrje qytetarëve të bashkohen përsëri në protestën e së martës. Gjithashtu Berisha paralajmëroi kryetarin e Bashkisë Erion Veliaj të japë dorëheqjen. Më tej kreu i PD u tha qytetarëve të bashkohen ne betejë e tij për përmbysjen e diktaturës së dytë.
PJESË NGA FJALA E BERISHËS:
Miq, më thoni ju mua pra, a nuk janë këto fitore që bëjnë krenarë secilin prej jush. Që bëjnë krenar të gjithë ata të cilët me sakrifica, me mundime, me guxim, me privacione, shpallin korrupsionin, vjedhjen e shqiptarëve, armikun më të egër të tyre në histori. Imagjinoni ju, pa betejën tuaj pa kthim ku do ishte sot Erion Veliaj. Imagjinoni ju, pa betejën tuaj pa kthim çfarë do dërdëlliste sot dy orë Edi Rama. Ju i keni tronditur themelet, u keni lebetitur shpirtrat e kalbura këtyre hajdutëve. Fuqia jeni ju, forca jeni ju, fitorja jeni ju.
Miqtë e mi, çdo javë do ketë fitore të tjera. Por ta detyrosh tjetrin të flasë me vete dy orë për vjedhjet e klanit të tij është superfitore. Ai sot i shpalli helme sulmet nga penxherja, sulmet nga parlamenti i lirisë, sulmet nga studiot televizive. Të dashur miq, duhet të përulem sonte me nderimin më të veçantë para atyre gazetarëve dhe analistëve që me një guxim të jashtëzakonshëm u thonë të vërtetat shqiptarëve. Bëjnë të pamundurën për të çarë vellon e censurës së këtij regjimi të kalbur. Një mirënjohje kam për oratorët e parlamentit të lirisë, që në emër tuaj kanë përcjellë të vërtetat në të katër anët e dheut.
Një ftesë kam për të gjithë qytetarët e Tiranës, bashkohuni me ne në këtë betejë, beteja për përmbysjen e diktaturës së dytë, beteja për përmbysjen e narkoshtetit, beteja për përmbysjen e tiranisë së vjedhjes është beteja e shekullit që jetojmë. Ndaj dhe të martën, të gjithë, i madh dhe i vogël te bashkia për fitoren. Erion Veliaj, jep dorëheqjen se gjyqi që të bëri sot kryepadrinoja në shpellën e mafies është lule me atë që do të të bëjmë ne në sheshin Skënderbej. Edhe njëherë, fitimtarë, përshëndetjet më të përzemërta, e marta pret shqiptarët, pret qytetarët në një betejë fitimtare. Rrofshi ju, rroftë fitorja. Fitore, fitore, fitore!
