Berisha merr pjesë në Kongresin e CDU/ Kreu i PD-së takon Friedrich Merz: Një shtrëngim i përzemërt duarsh me Kancelarin e ardhshëm të Gjermanisë

pamje nga kongresi

GJERMANI- Kryetari  Partisë Demokratike, Sali Berisha ndodhet në Gjermani ku po merr pjesë në Kongresin elektoral të CDU-së. Përmes një postimi në Facebook, Berisha ka ndarë pamje nga takimi me Friedrich Merz, të cilin lideri demokrat e cilësoi si kancelari i ardhshëm i Gjermanisë. Ai po ashtu e vlerësoi Merz si njeriun më të mirë të Evropës. 

Kreu i PD kujtoi dhe takimin me ish-kancelarin gjerman, Helmut Kohl, i cili u realizua 34 vite më parë, dhe sot e cilëson si një ogur të bardhë për fitoren e opozitës.

"Sot në Berlin, në Kongresin e 37-të të CDU. Kongresin e Fitores. Një shtrëngim i përzemërt duarsh me Kancelarin e ardhshëm të Gjermanisë, njeriun më të mirë të Evropës, Friedrich Merz. 34 vite më parë, Kancelari Helmut Kohl do ishte Kryeministri i parë që do të takoja ne Bon! Ogur i bardhë për fitoren e opozitës! sb", thuhet në postimin e Berishës.

Më 24 janar, Prokuroria e Posaçme pranoi kërkesën e kreut të PD-së, Sali Berishës për të mos u paraqitur më 3 shkurt në SPAK në zbatim të masës së sigurisë "detyrim paraqitje". Kërkesa e paraqitur nga avokati i tij u miratua nga prokurorët e SPAK Arben Kraja dhe Enkeleda Millonai. Arsyeja e mosparaqitjes ishte udhëtimi i Berishës drejt Gjermanisë. Berisha do të paraqitet në SPAK, të hënën e tretë të muajit shkurt. 

sali berisha friedrich merz