Zjarri në zonën e Radostinës në Fier vijon të jetë aktiv me intensitet të lartë dhe situata raportohet e vështir&...
POLITIKE
"Nuk meritoni ta drejtoni Shqipërinë..."/ Komentuesja kritikon Ramën për gjuhën ndaj PD, kryeministri: Opozita merret tre vakte me gjithë librin e shtëpisë time...
b.zPërditësimi i fundit 3 Shkurt 2025, 10:08
Edi Rama
TIRANË - Kryeministri Edi Rama, ka vijuar edhe sot replikat me rubrikën virtuale "Sy m'sy", ku i përgjigjet komentuesve. Mes qindra komenteve kryeministri ka pikasur një koment të një qytetareje e cila shkruan "Më vjen keq por vetëm për faktin se si shpreheni me opozitën në fjalimet tuaja nuk meritoni ta udhëheqni atë vend dhe atë popull".
Lidhur me këtë Rama është shprehur se sipas tij tre fjalë që tha për opozitën nuk tregojnë se ai nuk duhet ta udhëheqë popullin shqiptar. Rama shprehet se nuk është marrë thuajse fare me opozitën, por sipas tij ka qënë kjo e fundit që e ka sulmuar. Më tej Rama ka vijuar sërish me kritika kundrejt Opozitës, teksa e ka cilësuar këtë të fundit si një kënetë zarbash drejtuar sipas tij nga një "buf i stërplakur", referuar kreut të PD-së, Sali Berisha.
Më tej Rama ka vijuar se sipas tij vota e çuar për opozitën është një votë e çuar dëm dhe sipas tij vota për opozotës nuk sjell asnjë ndryshim.
Reagimi i plotë i Ramës:
“Ja, këtu, mirëmëngjes nga Partia Socialiste. E bukur kjo! Unë flas një herë në tre muaj, tre fjalë për opozitën dhe bëka kaq shumë përshtypje sa nuk meritokam të udhëheq atë vend dhe atë popull, siç shkruani ju nga jashtë.
Por çfarë meriton atëherë opozita e dashur Flora? Ma thoni dot? Opozita që tre vaktet në ditë merret me gjithë librin e shtëpisë time, me këdo i del përpara, me mua po e po. Nuk besoj se është opozitë që ju përfaqëson juve dhe familjen tuaj, sepse nuk besoj se ju keni ndonjë problem me familjen time dhe nuk ma ha mendja që libri i shtëpisë time t’ju duket një program i mirë për ekonominë, punësimin, bujqësinë, arsimin, shëndetësinë e me radhë, për Shqipërinë.
Pastaj ju Flora jeni jashtë, dhe kjo kënetë në sytë e të huajve është një turp dhe kurrsesi nderi i Shqipërisë çmohet dhe respektohet si kurrë më parë. Apo jo? Ju jeni vetë dëshmitare. Unë s’jam marrë thuajse fare me opozitën. Erdhe në Parlament, i kam lënë të merren me librin e shtëpisë time, të më ulin e më ngrenë, kriminel e hajdut, e të mi hedhin mua në kurriz të gjitha të zezat që kanë bërë vetë.
Pasi kanë hedhur baltë, brenda e jashtë Shqipërisë, për Shqipërinë, nga këneta e tyre dhe kanë bërë çmos ta pengojnë këtë vend, tani duan edhe votën. Prandaj do merrem pak edhe me to, apo jo. Por ama, me shqipen e mësuesve të mi të Nolit, Konicës dhe Fishtës, dhe asnjëherë me baltë e shpifje, me librin e shtëpisë dhe familjen. Asnjëherë në nivelin e asaj kënete.
Më vjen keq, Flora! Kur një buf i stërplak e ka kthyer opozitën në një kor zhabash, ditë e natë, i rroka nisën shqiptarët. Për dreq, ajo kënetë ka krijuar edhe ca pellgje opozitash të reja, që nuk kanë asgjë të re, përveç moshës së pronarëve të tyre, që të gjithë imitojnë bufin stërplak. Kush do të votojë verbërisht ‘kuak, kuak, kuak’, le t’i votojë, por dy gjëra ama nuk ndryshojnë dot. E para, vota për ta është e çuar dëm sepse ata aty ku janë do jenë prapë. Dhe e dyta, vota për ta nuk sjell asnjë ndryshim, sepse sa të jetë ajo kënetë, në mes të mexhlisit tonë, nuk ka dot Shqipëria opozitë reale, sfiduese, europiane dhe fituese.
