Aktivisti Edison Lika ka bërë një bilanc të 100 ditëve të protestës, ndërsa ka paralajmëruar vijimin e aksionit q...
POLITIKE
Berisha: Në kandidaturat që do të mbështeste PD nuk figuronte Endri Shabani
PiranjatPërditësimi i fundit 10 Dhjetor 2025, 13:55
Kreu i Partisë Demokratike, Sali Berisha, deklaroi në një konferencë për media se në listën e kandidaturave që mbështeti PD nuk figuronte emri i Endri Shabanit.
Ai sqaroi se pas vendimit të grupit parlamentar, PD i hoqi zyrtarisht mbështetjen dhe deputetët që kishin firmosur tërhoqën propozimin. Berisha tha se kjo lëvizje erdhi pas qëndrimit të Partisë Socialiste për të imponuar një opozitë të kontrolluar. Sipas tij, PD nuk pranon opozitën e Edi Ramës, por mbetet opozitë e shqiptarëve dhe e sovranit.
FJALA E BERISHËS:
Tani ju e patë se në atë proces u rreshtuan 27 kandidatura, në mos gaboj.
Mund të ketë dhe të tjerë që mund të kenë marrë firma përveç Endri Shabanit. Në mbledhjen e saj që bëri PD, para 4 ditësh, pas kërkesës dhe të socialistëve që deputeti të ketë të drejtë vetëm për një firmë, dhe vendimit jo kërkesës, vendimit që mori Komisioni i Ligjeve i drejtuar nga socialistët, PD u mblodh grupi parlamentar dhe përcaktoi kandidaturat që do të mbështesë ai.
Në kandidaturat që do të mbështeste PD nuk figuronte kandidatura e Endri Shabanit. PD i hoqi mbështetjen zotërisë dhe ata që kanë firmosur tërhoqën propozimin. E tërhoqën zyrtarisht propozimin. Kjo është e vërteta.
Por, po këtu unë ju kam deklaruar se, kjo ndodhi pasi u deklaruar nga pala tjetër se, kandidati do ti jepej opozitës.
Ata operojnë me opozitën që duan, por opozitën që duan nuk e pranon kurrë PD-ja. Opozitën që duan e ka Edi Rama tani, kjo është platforma e tij.
Por ne jemi opozita e shqiptarëve, jo opozita e Edi Ramës. Jemi krenar që nuk na don Edi Rama...
... Po të mos gabim, nuk tërhiqej mbështetja. Po të mos ishte gabim firmosja nuk tërhiqej mbështetja. Unë duhet ta pranoj një proces, por kjo erdhi krejtësisht nga një qëndrim i
PS-së e cila kishte qëllim që të dilte tek opozita që donte. Me opozitën që do ne nuk do jemi kurrë, ne do jemi opozitë e sovranit. Besoj se është e drejtë kjo dhe është interesi i të gjithëve kjo.
