Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
POLITIKE
Berisha: Pavarësisht se kush do jetë pas zgjedhjeve në Shtëpinë e Bardhë, nuk besoj kurrë se do pranojë të trashëgojë akte të mafies shqiptaro-amerikane
E.DPërditësimi i fundit 15 Tetor 2024, 14:19
TIRANË- Kreu i Partisë Demokratike Sali Berisha u shpreh se pavarësisht se kush do jetë pas zgjedhjeve në Shtëpinë e Bardhë, nuk beson kurrë se do pranojnë të trashëgojë akte të mafies shqiptaro-amerikane. Gjithashtu Berisha u shpreh se lidhur me zgjedhjet në SHBA, PD nuk ndërhyn në zgjedhje, por anëtarët dhe mbështetësit e saj kudo që janë, e dinë se PD është e afiluar në bashkimin ndërkombëtar demokrat me Partinë Republikane, e cila faktikisht e kryeson këtë union.
"Së pari, lidhur me këtë çështjen e rehabilitimit. Unë jam shqiptar, për mua rikthimi që bënë të mundur shqiptarët është Everesti i jetës sime. Tani, lidhur me zgjedhjet në SHBA, PD nuk ndërhyn në zgjedhje, por anëtarët dhe mbështetësit e saj kudo që janë, e dinë se PD është e afiluar në bashkimin ndërkombëtar demokrat me Partinë Republikane, e cila faktikisht e kryeson këtë union. Ndaj dhe ata e kanë të qartë që mund të votojnë për kë të duan, por nëse kanë për bazë partinë, votojnë për Partinë Republikane, kandidatët e saj. Unë kam besim, pavarësisht se kush do jetë pas zgjedhjeve në Shtëpinë e Bardhë, nuk besoj kurrë se do të pranojë të trashëgojë akte të mafies shqiptaro-amerikane, të cilat janë në çdo aspekt të turpshme," tha Berisha.
