Protestat në Tiranë vijojnë me përplasje mes demonstruesve dhe policisë së rendit, shkruan BBC. Nxënësit e shkollave t...
POLITIKE
Berisha: PD realizoi mbrëmë zotimin e saj solemn, kthimin e të drejtës së mohuar të shqiptarëve jashtë vendit për të votuar
S.BPërditësimi i fundit 27 Korrik 2024, 20:53
Sali Berisha
TIRANË- Kreu i Partisë Demokratike, Sali Berisha në fjalimin e tij foli në lidhje me Kodin e Ri Zgjedhor i cili i hap rrugë votimit të emigrantëve me postë. Berisha tha se PD me përpjekjen e saj ka realizuar betimin solemn për ti kthyer shqiptarëve jashtë vendit të drejtën për të votuar.
Më tej Berisha u shpreh se duhet përballur dhëmb për dhëmb me regjimin për ti rikthyer shqiptarëve votën e lirë.
Fjala e plotë:
Mirëmbrëma dhe përshëndetjet më të përzemërta ju qëndrestareve dhe qëndrestarëve, misionareve dhe misionarëve të pamposhtur të kauzës së drejtë të shqiptarëve.
Kauzës së lirisë, dinjitetit, shpresës dhe fitores së opozitës.
Të dashur miq, PD në përpjekjen e saj realizoi mbrëmë zotimin e saj solemn, kthimin e të drejtës së mohuar të shqiptarëve jashtë vendit, të drejtës kushtetuese për votim.
Këtu para jush në mënyrë të përsëritur kam deklaruar se zgjedhje në Shqipëri nuk mund të ketë pa votën e diasporës dhe krijimin e qeverisë teknike.
Në qoftë se vota e diasporës dhe emigracionit u sanksionua, qeveria teknike dhe rikthimi i votës së lirë të shqiptarëve është detyra e të gjitha detyrave.
Është misioni i çdo demokrati dhe demokrateje.
Miqtë e mi, Edi Rama, i zhytur në krime të rënda, nuk pranon kurrë të dorëzojë pushtetin me votë.
Nuk pranon kurrë të lejojë shqiptarët të votojnë të lirë.
Atëherë cila është detyra jonë?
Detyra jonë është të vendosur për çdo sakrificë, për lirinë, për votën, të përballemi dhëmb për dhëmb me këtë regjim dhe t’u rikthejmë shqiptarëve votën e lirë.
