Dy mjekët e arrestuar në hetimin për vdekjen e Giorgos Mazonakis pritet të paraqiten para prokurorit sot, të prem...
POLITIKE
Berisha publikon denoncimin: Djali i banditit dhunoi nxënësit e një shkolle duke iu thyer pjatat në kokë, policia mbulon krimin
PiranjatPërditësimi i fundit 21 Dhjetor 2025, 23:34
Sipas mesazhit të publikuar nga kryedemokrati, djali i Llanajt, një person i njohur për policinë, ka dhunuar disa nxënës së një shkolle në qytetin bregdetar. Episodi ka ndodhur gjatë festës së fundvitit të nxënësve, ku sipas mesazhit, djali i Llanajt ka hyrë brenda festës pa qenë nxënës i shkollës dhe ka dhunuar të tjerët duke iu thyer pjatat në kokë. Sipas tij, policia dhe shkolla ka heshtur.
“Narkopolicia mbulon krimin!
Një bandit futet në festën e shkollës dhe thyen pjata në kokat e nxënësve. Policia mbulon krimin dhe hesht. Shkolla dhe mediat heshtin! Duke dënuar me forcën më të madhe këtë akt dhune ndaj nxënësve në shkollë dhe heshtjen para krimit të shëmtuar ju ftoj të lexoni mesazhin e qytetarit dixhital.
“Mirëmëngjes Doktor .Të uroj shëndet.Po të vë në dijeni për një ngjarje që ka ndodhur në Vlorë.Nxënësit e shkollës Elite kishin mbrëmjen e vitit të ri te resorant Mira mare.Djali i një banditi (Robi Llanaj ) pa qenë nxënës shkolle ka paguar lekë dhe është futur te mbrëmja.Dhe ka dhunuar nxënësit duke ju thyer pjatat në kokë.Për fat nuk ka pas viktima.Policia dhe mediat nuk japin asnjë njoftim.”, thuhet në postimin e Berishës.
Ferdinand Llanaj, i njohur si “Robi” është emër i njohur për policinë. Në vitin 2021, ai u arrestua nga RENEA për kultivim kanabisi në banesën e tij në Vlorë. Në tetor të vitit 2017, atij iu bë attentat.
Llanaj po lëvizte me automjetin e tij kur u qëllua me breshëri kallashnikovi pranë rrugës “Transballkanike”, brenda makinës së të cilit ndodheshin edhe 2 fëmijët e tij të mitur dhe një person tjetër. Nga ngjarja nuk pati viktima.
Po ashtu ai është vëllai i Aleksandër Llanajt i dënuar me 35-vite burg për masakrën në Lagjen “Cole”. Në vitin 2011, i është vrarë i ati Baftjar Llanaj.
