Një incident është shënuar gjatë ditës së gjashtë të protestës, para Ministrisë së Arsimit në...
POLITIKE
Berisha: Rama, jep dorëheqjen se nuk të ka ngelur më asgjë për të qeverisur. Qeveria teknike është zgjidhja e vetme
PiranjatPërditësimi i fundit 18 Tetor 2026, 14:26
‘Edi Rama, jep dorëheqjen se nuk të ka ngelur më asgjë për të qeverisur’. ‘Qeveria teknike është zgjidhja e vetme politike për vendin’, tha kreu i PD ne konferencën me gazetarët
Berisha: Prandaj të jemi të qartë, revolta e studentëve është vetëm pasojë e vetëm pasojë e dhunës 13-vjeçare të Edi Ramës.
Jep dorëheqjen se nuk të ka ngelur më asgjë për të qeverisur.
AKSHI-n e vodhe vetë me Agasët e tu.
Qeveria të është shndërruar në organizatë kriminale.
Ministritë i ke të mbyllura prej një jave.
Parlamentin e mbylle nga frika.
Vetë je njeriu më i urryer në Shqipëri dhe më gjerë.
Nuk i demonizon dot ti studentët si dhunes.
Dole sot me një gur për t’i fajësuar studentët. Po pse nuk del njëherë edhe me pushkën që ke qëlluar dje mbi studentët?
Pse nuk del me kockat që u ke thyer dhe kafkat që u ke çarë studentëve paqësorë?
I ke qëlluar me plumba gome në fytyrë kur me ligj është e ndaluar.
Pse nuk dole me gazin helmues që ke hedhur mbi fëmijët shqiptarë sikur të ishe Asadi i Sirisë?
Pse nuk dole me shkopinjtë e gurit dhe pllakat e hekurit të policëve tu që u theve këmbët gjimnazistëve dhe çave koka?
Pse nuk del me armët që u qorruan prindërit e studentëve në protestë?
Pse nuk del me pamjet e masakrës në sallën e Ministrisë së Arsimit?
Pse nuk del me cubat pa uniformë që nxjerr në mesnatë që rrëmbejnë vajzat minorene me furgona?
Edi Rama, mos i hyj lojës së akuzave për dhunë sepse ti je nëna e dhunës, gjeneratori i dhunës dhe krimit në Shqipëri.
Jep dorëheqjen, qeveri teknike, kjo është zgjidhja e vetme politike për vendin.
